________________
सप्तमं धर्मभेदद्वारम्
सयलंतेउरतिलया, महग्घसीलाइगुणरयणनिलया । नरवइचित्तावासा, तस्स पिआ आसि ससिहासा ||३|| मंती से सगडालो, फुरंतमिच्छत्तकंदकुद्दालो । जो सत्तसमुदएणं, उवभिज्जइ सह समुद्देणं ||४|| सीलालंकारधारा, सया वि पच्चक्खरूवगुणपवरा । तस्स पिया थिरपगई, अउव्वलच्छि व्व लच्छिवई ॥५॥ पुत्तो य थूलभद्दो, निम्मलगुणरयणउब्भवसमुद्दो । रूवेणं कंदप्पो, बुद्धीए तियसगरुकप्पो ||६||
तब्बीओ पुण सिरिओ, कलाहि निसिनाह इव अलंकरिओ । जो सोमपगइगुणओ, सयलजणानंदसंजणओ ॥७॥ तत्थेव आसि वेसा, विन्नायासेसरइगुणविसेसा । कयकामुयजणतोसा, सुपसिद्धा नामओ कोसा ||८|| तब्भोगसुहासत्तो, स थूलभद्दो अणंगमयमत्तो । तीसे गिम्मि वसिओ, बारस वरिसे विसरसि ॥९॥ सिरिओऽवि अंगरक्खो, विहियो नंदेण रिउवजियदक्खो । रन्नो वीसासाओ, बीयं हिययं व सो जाओ ॥१०॥ इत्तो य तत्थ पत्तो, वररुइनामेण माहणो एगो | चउविज्जावउवयणो, सिट्टिकरो नव्वकव्वाणं ॥ ११॥ सो गंतूण पभाए, नंदनिवं संथुणेइ अत्थाणे । नवविरइयकव्वाणं, अणुदिणमट्टुत्तरसएण ॥१२॥ मिच्छत्तियं ति काउं, सगडालो नेव तं पसंसेइ । नंदो तुट्ठोऽवि तओ, न तुट्ठिदाणं कुणइ तस्स ॥१३॥ तं नाऊण वररुई, दाणअसंपत्तिकारणं तत्थ । आराहइ देवीमिव, घरणि से मंतिणो निच्चं ||१४|| सो तुट्ठाए तीए, अन्नदिणे पुच्छिओ कहइ कज्जं । निवपुरओ तुह भत्ता, मह कव्वाई पसंसेउ || १५॥
Jain Education International 2010_02
For Private & Personal Use Only
२१९
5
10
15
20
25
www.jainelibrary.org
