________________
सप्तमं धर्मभेदद्वारम्
२०५ अह धम्मकहापुव्वं नमुइं पइ जंपए महाराय ! । मुणिणो वासारत्तं, जाव पुरे तुज्झ चिटुंतु ॥२०९।। तो नमुई तं जंपइ, किं भो पुणरुत्तजंपिएणेह । निवबंधु त्ति मए तुह, दिन्नाइं पंच दियहाई ॥२१०।। तो विण्डमुणी जंपइ, ताणुवरि तेहिं कत्थ गंतव्वं । सो परिकुविओ जंपइ, मुत्तव्वा मज्झ भूमी वि ॥२११॥ तं वयणं सोऊणं, चिंतइ धुवमेस दुट्ठपरिणामो । ता निग्गहस्स जुग्गु त्ति जंपए विण्हुमुणिसीहो ॥२१२॥ तिण्हं पयाण ठाणं, इण्हि मे देसु भणइ नमुई वि । महपउमचक्कवइणो, बंधु त्ति पयच्छियं तुज्झ ॥२१३॥ नवरं तिण्ह पयाणं, बहिट्ठिए जमबलि करिस्सामि । इय दुव्वयणं सोउं, वड्डइ कोवेण सह विण्हू ॥२१४॥ अह वढतो जाओ, सो तणुणा लक्खजोयणपमाणो । पज्जलियकोवजलणो, भयजणगो पलयकालु व्व ॥२१५।। पुव्वावरजलहीसुं , दुन्नि पए देइ तत्थ विण्हुमुणी । तइयस्स नत्थि ठाणं ति, मुंचए नमुइपिट्ठम्मि ।।२१६।। वज्जेणिव पाएणं, अक्कमिओ सो महीइ निक्खित्तो । तह वि न कोवो मुंचइ, तं चिरकालाउ मिलिउ व्व ॥२१७|| कंपावंतो धरणिं, उच्छालंतो य जलनिहिजलाई । ढालंतो गिरिसिहरे, करेइ पयदडुरं चिन्हं ॥२१८॥ अह महपउमो चक्की, तक्खणमंतेउराउ नीहरिउं । सीयज्जरत्तगत्तु व्व, वेविरो आगओ तत्थ ॥२१९।। तो बद्धमउडनिवईहिँ, संजुओ सयलपुरजणेणं च । मन्नावइ विण्हुमुणिं, तप्पयपउमम्मि लग्गंतो ॥२२०॥ अह तं चारणमुणिणो, थुणंति होऊण कन्नमूलम्मि । सुयवयणअंकुसेहिं, गयं न ताडंति एवं च ॥२२१॥
15
20
25
Jain Education International 2010_02
For Private & Personal Use Only
www.jainelibrary.org
