________________
5
10
15
20
25
२०६
Jain Education International 2010_02
श्रीधर्मविधिप्रकरणम्
“भो ! भो ! विण्हुमुणीसर, उज्झे तवो गलेइ सम्मत्तं । मयलिज्जइ तुज्झ वयं, कोहपिसायं वहंतस्स ॥ २२२ ॥ मुंचसु कोवं गिण्हेसु, उवसमं तह धरेसु मणसुद्धि । मा मुज्झसु मूढो इव, जाणंतो सुयभणियमेयं ॥२२३॥ जं अज्जियं चरित्तं, देसूणाएवि पुव्वकोडीए । तंपि कसाइयमित्तो, हारेइ नरो मुहुत्तेण ॥२२४॥ [ सं. सि./गा. ६८ ] जह वणदवो वणं दव-दवस्स जलिओ खणेण निद्दह । एवं कसायपरिणउ, जीवो तवसंजमं दहइ" ॥२२५॥ इत्थंतरम्मि सोहम्मसामिणा वइयरं इमं नाउं । देवीउ पेसियाओ, आगंतुं बिंति महुरसरं ॥ २२६॥ "तुम्हारिसाण कोवो, न हु जुज्जइ नाणदंसणधराण । जेण खमाकरणखमासमए भणिया खमासमणा ॥ २२७॥ इय उवसामिज्जंतो, उवसंतो सो महंतकट्ठेण । गहिया नियहि मही तिविक्कमो तेण विक्खाओ ॥ २२८ ॥ अह महपउम चक्की, नियअन्नाणत्तनिंदणापुव्वं । खामइ विन्दुकुमारं, थुणेइ तह भत्तिवयणेहिं ॥२२९॥ तो विन्मुणी पुरओ, काउं पुरजणनरिंदपरियरिओ । महई पभावणाए, पत्तो सुव्वयगुरुसयासे ॥ २३०॥ वंद कामे गुरुं गिण्इ विसेसओ य गिहिधम्मं । नमिउं च चेइयाई, संपत्तो निययभवणम्मि || २३१|| "तो महपउमो चक्की, छक्खंडमहीवई कुणइ भवणे । जिणभवणबिंबठावण-रहजत्तापमुहकिच्चाई ॥२३२॥ भुवणच्छेरयभूयं, सिरिजिणसासणपभावणं काउं । निम्महियसत्तुवग्गं, रज्जं पालित्तु चिरकालं ॥२३३॥ तो चक्कवट्टिरिद्धि, परिहरिडं सुगुरुपायमूलम्मि । सामन्नमसामन्नं, पडिवन्नो महपउमचक्की ॥२३४॥
For Private & Personal Use Only
www.jainelibrary.org
