________________
२०२
श्रीधर्मविधिप्रकरणम् चक्की वि पयडभूए , गिण्हइ गंगातडाउ नव निहिणो । मयणावलिं सरंतो, पत्तो तं तावसारन्नं ॥१७०॥ मयणावलिं च मग्गइ, तत्तो सो कुलवई पयंपेइ । जणमेजयस्स धूया, एसा सो पुण विगयरज्जो ॥१७१॥ निवसइ वणम्मि ता तं, मग्गिय गिण्हेसु कन्नयं एयं । चक्की तं आणाविय, ठावइ चंपाइ तह चेव ॥१७२॥ तो जणमेजयदिन्नं परिणइ मयणावलिं इओ तस्स । तीए सह जायाई, चोद्दसरयणाइँ एयाइं ॥१७३॥ सेणावइ १ गाहावइ २-पुरोहि ३ गय ४ तुरय ५ वड्डई ६ इत्थी ७ ।
चक्कं ८ छत्तं ९ चम्मं १०, मणि ११ कागिणि १२ खग्ग १३ दंडे य १४ ॥१७४॥ "पढमाणि सत्त पंचेंदियाणि एगिदियाणि बीयाणि । जक्खसहस्साहिट्ठिय-मिक्केकं दिव्वरयणं से ॥१७५॥ जक्खाण दो सहस्सा, देहं रक्खंति तस्स एवं च । सोलस जक्खसहस्सा, निच्चं वटुंति आणाइ ॥१७६।। चक्कं छत्तं दंडं, तिन्नि वि एयाई वाममित्ताई । चम्मं दीहत्थदीहं बत्तीसं अंगुलाइ असी ॥१७७॥ चउरंगुलो मणी पुण, तस्सद्धं चेव होइ विच्छिन्नो । चउरंगुलप्पमाणा, सुवन्नवरकागिणी नेया" ॥१७८।। एवं सो दिसिजत्तं, काऊण समग्गनरवरसमेओ । चउदससरयणाहिवई, संपत्तो हत्थिणपुरम्मि ॥१७९॥ अह तस्स चक्कवइणो, बारसवासाइँ रज्जअभिसेयं । बत्तीसनिवसहस्सा, जक्खा देवा य कुव्वंति ॥१८०॥ सव्वंपि चक्किलच्छी-विच्छड़े पाविऊण लीलाए । पालेइ सिरिमहपउमो, चक्किपयं सो नवमचक्की ॥१८१॥ अह सो सिरिपउमुत्तर-रायरिसी दुक्करं तवं काउं । कम्मक्खयम्मि केवल-नाणं पाविय गओ सिद्धिं ॥१८२॥
15
25
Jain Education International 2010_02
For Private & Personal Use Only
www.jainelibrary.org
