________________
१९६
10
श्रीधर्मविधिप्रकरणम् तइया य तम्मि नयरे, महूसवो कोऽवि आसि उज्जाणे । गंतूणं तत्थ लोओ, गायइ नच्चेइ कीलइ य ॥९२॥ इत्थंतरे गइंदो, आलाणं भंजिऊण मयमत्तो । चलिओ जमु व्व भीमो, मिठाईएऽवि अगणंतो ॥९३॥ तासंतो नयरजणं, पाडतो हट्टभवणभित्तीओं । मोडतो तरुनियरे, संपत्तो तम्मि उज्जाणे ॥९४॥ कीलंतनयररमणी-विदं पिक्खिय पहाविओ सहसा । तो अबलाओ जहिच्छा, खलियगईओ पलायंति ॥१५॥ अह महपउमकुमारो, ताओ तह पिक्खिण करुणाए । तं करिवरं अभीओ, हक्कइ सुहडं व समरम्मि ॥९६॥ सोऊण कुमरहक्कं, सुंडं उल्लालिऊण सो वलिओ । सबलो अहं ति कुमरो, पणं व मुंचइ पडं पुरओ ।।९७|| तो हत्थी तम्मि पडे, विज्झं दाऊण कुमरमणुमग्गे । कुमरो वि रासगेसु व, भमणि तहिं मंडलावत्ते ॥९८॥ अह तत्त नयरलोओ, भयविहुरो चडइ तरुवराईसुं । महसेणोऽवि अभीयं, कुमरं पिक्खइ तह फिरंतं ॥१९॥ भणइ य को एस नरो, अउव्वसाहसनिही कलानिलओ । जो मत्तकरिवरेणं, सह खिल्लइ कोउगेणेव ॥१०॥ अह कुमरो तह भमिरो, लोयाण सविम्हयं नियंताणं । सिंह व्व उल्ललेलं, आरूढो हत्थिखंधम्मि ॥१०१॥ कुंभत्थलं च ताडइ, गिरिं व वज्जेण वज्जमुट्ठीए । तो हत्थी मयमुक्को, जाओ सुमुणि व्व तत्कालं ॥१०२॥ कीलावेऊण खणं, सत्थनिउत्तेहिँ विविहभंगेहिं । हत्थारोहस्स करि, समप्पिउं झत्ति उत्तिन्नो ॥१०३।। चिंतइ महसेणनिवो, कत्थ वि निववंसमंडणं एसो । इण्हि च ममुवयारी, ता सम्माणस्स जुग्गु त्ति ॥१०४॥
15
20
25
Jain Education International 2010_02
For Private & Personal Use Only
www.jainelibrary.org
