________________
सप्तमं धर्मभेदद्वारम्
तत्तो निसीहसमयम्मि, खग्गसाहससहायसहिओऽवि । गागी नयराओ, नीहरिओ केणऽवि अनाओ ॥७९॥ अह जणणिजणयबंधवपरियणसयणाइएहिँ बहुयं पि । अन्नेसिओ न लद्धो, न य नाया तप्पवित्ती वि ॥८०॥ सो गच्छंतो पत्तो, कंतारं पंडवाण सिन्नं व । उन्नेय अज्जुणसहदेव - भीमनउलाइपरियरियं ॥८१॥ तम्भितो कमसो, संपत्तो तावसासमं एगं । कुलवइकयसम्माणो, तत्थेव य अच्छिउं लग्गो ॥८२॥ इत्तो य अत्थि चंपा -नयरी नयरीइपमुहगुणकलिया । तत्थ जणमेजयनिवो, पयंडभुयदंडबलकलिओ ॥८३॥ नागवई से कंता, तेसिं मयणावलि त्ति वरधूया । जं पक्खिय कुसुमधणू, सुसिद्धकज्जो धरइ न धणुं ॥८४॥ अह तप्पिउणा पुट्ठो, जोइसिओ मह सुयाइ कहसु वरं । सो जंपइ देव ! इमा होही चक्किस्स थीरयणं ॥८५॥ जणमेजयस्स तस्स वि, आसि विरोहो कलिंदराएण । तेणागंतूण तया छलेण चंपापुरी भग्गा ॥ ८६ ॥ खणमेगं जुज्झेडं, नट्ठो जणमेजओ परियणोऽवि । नागवई य सधूया, पत्ता तावसवणे तम्मि ॥८७॥ अह तत्थ सो कुमारो, दिट्ठो मयणावलीइ तेणावि । सादिट्ठा तो जाओ, दुह वि अन्नुन्नमणुराओ ॥८८॥ नागवईए भणिया, धूया मा पुत्ति ! रच्चसु इमम्मि । जं तुह जोइसिएणं, चक्कवई पिययमो कहिओ ॥८९॥ तहवि न विरमइ एसा, तो नागवई तं कहेइ कुलवइणो । वइयरमेयं तेणऽवि, विसज्जिओ पूइउं कुमरो ॥ ९० ॥
तत्तो परिब्भमंतो, संपत्तो सिंधुनंदणं नयरं । तत्थ महासेणनिवो, जहत्थनामो नियदलेण ॥ ९१ ॥
Jain Education International 2010_02
For Private & Personal Use Only
१९५
5
10
15
20
25
www.jainelibrary.org
