________________
१९४
श्रीधर्मविधिप्रकरणम्
10
अप्फालियरणतूरं , फुरंतनीसाणबहिरियदिगंतं । जायं बलाण दुण्ह वि, जुझं बहुजीवघायकरं ॥६६॥ पाडियगयघडतुरयं, रुलंतवरसुहडधडसयाइन्नं । दट्ठण रणं नट्ठो, दुग्गं सरिऊण सिंहबलो ॥६७।। तं नासंतं दटुं, फारक्का नमुइवयणओ ढुक्का । फरएहि छाइऊणं, ते वि हु गिण्हंति जीवंतं ॥६८॥ अह तं गिण्हिय नमुई, आगंतुं अप्पए कुमारस्स । कुमरो वि भणइ तुट्ठो, सचिव ! वरं मग्गसु जहढें ॥६९॥ तो भणइ नमिय नमुई, एस वरो देव ! तुज्झ भंडारे । थविओ चिट्ठउ नवरं, दायव्वो मग्गिओ मज्झ ॥७०॥ इय वच्चंते काले, जालादेवीइ कुमरजणणीए । सड्डीए कारविओ, जिणिदभुवणम्मि पवररहो ॥७१।। तो लच्छिनामियाए तस्स सवक्कीइ माहणसुयाए । बंभरहं कारविउं, भणिओ पउमुत्तरनरिंदो ॥७२।। सामिय ! मह बंभरहो, भमिही इह जिणरहाओ पढमं ति । अह एसो वुत्तंतो, जालादेवीइ विन्नाओ ॥७३॥ तो पउमुत्तरनिवई, भणिओ जइ नाह ! जिणरहो पढमं । भमिही न इमम्मि पुरे, ता मह जम्मंतरे जिमणं ॥७४॥ तो पउमुत्तररन्ना, दुण्हं पि रहाण वारियं भमणं । इय नाउं महपउमो, कुमरो चिंतेइ हिययम्मि ॥७५॥ "धिद्धी मह जम्मेणं, अहलेण अजागलथणेणं व । जं नियमाउमणोरहमेयं पि न पूरिउं सक्को ॥७६॥ जइ कोऽवि हवइ अन्नो, तो तं परिभविय माउवयणमिमं । सफलीकरेमि नवरं , पिउआणालंघणमजुत्तं ॥७७।। ता मज्झ वग्घदुत्तडि-नायावडियस्स संपई जुत्तं । देसंतरगमणं चिय, करेइ इय निच्छयं कुमरो' ॥७८॥
15
25
Jain Education International 2010_02
For Private & Personal Use Only
www.jainelibrary.org
