________________
१९१
10
सप्तमं धर्मभेदद्वारम्
अह सो विण्हुकुमारो, जुव्वणपत्तो वि निव्वियारमणो । धम्मज्झाणिक्करओ, मुणि व्व देहेसु वि निरीहो ॥२७॥ जुवरायपयं निच्छइ, दढागहं दिज्जमाणमवि पिउणा । जंपइ य नेहसारं, एयं लहुभाउणो देह ॥२८॥ तत्तो रज्जभिलासी, लहुओ वि परक्कमी महापउमो । पिउणा जुवराजपए , ठविओ तभीउमणिएण (नेहभरियहियएण) ॥२९।। इत्तो य अत्थि नयरी, उज्जेणी कुलवहु व्व अत्थड्डा । तीइ निवो सिरिधम्मो, सेसु व्व महीभरुव्वहणे ॥३०॥ दूरुज्झिय धम्मगुणो, परमम्मविभेयगो सलोहो य । नमुई नामा पयडो, मंती तस्सावि बाणु व्व ॥३१॥ अह तत्थ अन्नदियहे, मुणिसुव्वयजिणवरस्स संताणी । सुव्वयनामा सूरी, समोसढो बाहिरुज्जाणे ॥३२॥ तव्वंदणाय सयलं, वच्चंतं पुरजणं निवो दटुं ।। पुच्छइ सचिवं किं भो !, महूसवो को वि उज्जाणे ॥३३॥ नमुई जंपइ सामिय !, उज्जाणे अत्थि आगओ अज्ज । सेयंबरो समिद्धो, तं नमिउं जाइ एस जणो ॥३४।। वयमवि सचिव ! वयामो, इय निव भणिए स आह देव तुमं । तत्थ गओ मज्झत्थो, हुज्ज जओ तं जिणेमि अहं ॥३५॥ इय भाणिऊण पत्तो, सनिवो नमुई मुर्णिदपासम्मि । धम्मकहं कहमाणो, दिट्ठो सूरी वि उवविट्ठो ॥३६॥ जंपइ नमुई तत्तो, पंडियमाणी स जाइमयमत्तो । पव्वइय ! धम्मतत्तं, जइ जाणसि ता मह कहेसु ॥३७॥ चिंतइ सूरी एसो, निवमन्नो वाइउ व्व दुट्ठमणो । तो अम्हाण न जुज्जइ, तत्तं कहिउं इमस्स जओ ॥३८॥ वादं च प्रतिवादं च, न कुर्वीत यतिः क्वचित् । विद्विष्टै राजमान्यैश्च, बद्धस्पर्द्ध विशेषतः ॥३९॥
15
20
25
Jain Education International 2010_02
For Private & Personal Use Only
www.jainelibrary.org
