________________
१८९
10
सप्तमं धर्मभेदद्वारम्
तत्थऽस्थि हत्थिणपुरं, नयरं सुपसत्थहत्थिरुवं व । पसरंतपयडदाणं, फुरंतवररयणपरिकलियं ।।२।। तत्थ जणपूरियासो, सच्छाओ सुदिढखंधरमणीओ । कप्पतरु व्व सुपत्तो, राया पउमुत्तरो नाम ॥३॥ अवरोहपहाणाओ, देवीओ दुनि तस्स एयाओ । एगा जालादेवी, बीया पुण लच्छिनाम त्ति ॥४॥ अन्नदिणे सुहसुत्ता, जालादेवी निसाइ अंतम्मि । उच्छंगगयं सिंह, सुमिणे दतॄण पडिबुद्धा ॥५॥ साहेत्तु तक्खणं चिय, तं सुमिणं निवइणो मणे तुट्ठा । भणइ निवो तुज्झ पिए , उत्तमचरिओ सुओ होही ॥६॥ सोऊण निवइवयणं, परितुट्ठा बंधए सुमिणगंठिं । निसिसेसं च निविट्ठा, गुरुदेवकहाहिँ निग्गमइ ॥७॥ अह आणामित्तेणं, पुज्जंतसमीहिया वहइ गब्भं । पुन्नेसुं च दिणेसुं , पसवइ पुत्तं असमरूवं ।।८।। ततो वज्झावणयं, कारेइ निवो पमोयसंजणयं । मुच्चंतगुत्तिबंधं, गिज्जंतमहामुणिपबंधं ॥९॥ पविसंतअक्खवत्तं, सहरिसनच्चिरविलासिणीपत्तं । पसरंतनंदिघोसं, उल्लासियसयलजणतोसं ॥१०॥ दिज्जंतभूरिदाणं, दंसियसविसेसलोयसम्माणं । वद्धावणयं जायं, दसदिवसाइं सुविक्खायं ॥११॥ बारसमदिणे पत्ते, अह कुलवुडंगणाहि सुमुहुत्ते । संठावियमभिरामं, विण्हुकुमारु त्ति से नामं ॥१२॥ अह वद्धइ सो कुमरो, पंचहि धावीहिँ लालिओ संतो। पुव्वदिसुग्गयदिणयरबिंबं व पयाववुड्डीए ॥१३॥ कमसो सयलकलाहिं, सो पुन्नो पुन्निमामयंकु व्व । जुव्वणधरो य जाओ, लावन्नमओ समुद्दु व्व ॥१४॥
15
25
Jain Education International 2010_02
For Private & Personal Use Only
www.jainelibrary.org
