________________
१८७
10
सप्तमं धर्मभेदद्वारम्
इय जंपिउ जलेणं, अच्छोडेऊण सा पडिनियत्ता । तं च दुवारं अज्ज वि, तहेव चंपाइ चिट्ठेइ ११४॥ "अह सा अणुगच्छिज्जइ, नरिंदनयरीपहाणलोएहिं । उवउज्जइ सयणेहिं, नियकुलभवणप्पडाय व्व ॥११५।। गाइज्जइ गीएहिं, भद्देहिँ पए पए पढिज्जइ य । नारीमंगलसद्देण, संगया एइ जिणभवणं ॥११६।। तत्थ य नमो जिणाणं, भणमाणी चेइएसु पडिमाणं । ण्हवणविलेवणमंडण-पूर्व सा कारइ विहीए ॥११७॥ अह गंतुं गुरुपाए, पणमिय निसुणेइ तेसि उवएसं । तो वंदिऊण संघ, सा चलिया नियगिहाभिमुहं ॥११८॥ दीणाणाहाईणं, वियरंती सा जहोचियं दाणं । मिच्छत्तीण वि हियए , उप्पायंती चमुक्कारं ॥११९॥ जिणसासणप्पभावणमिय कुव्वंती जणेण परियरिया । लद्धसइत्तणरेहा, सा पत्ता निययभवणम्मि ॥१२०॥ तो तत्थ पुरजणाणं, पत्ताइ विविहअक्खवत्ताइ । जायवद्धावणयं, जणाण आणंदसंजणयं ।।१२१।। अह नियनियभुवणेसुं , पणमित्ता जंति नरवराईया । तो सासुयाइलोओ, खामइ सव्वोऽवि हु सुभदं ॥१२२॥ भणइ य तुमं महासइ ! परिभया जं अणज्जवयणेहिं । तं अम्हाण वियाणसु, बालाणमिव अयाणत्तं ॥१२३॥ को होइ तुज्झ सरिसो, भुवणे अकलंकसीलकलियाए । जीसे सुरसिद्धगणा, कुणंति महिमं जयप्पयडं ॥१२४॥ ता काऊण पसायं, चिट्ठसु गिहसामिणि व्व अम्हाणं । एगम्मि चेव भवणे, एस जणो किंकरो तुज्झ ॥१२५॥ पभणेइ बुद्धदासो, जाणतेण वि पिए मए तुज्झ । कन्नविसघारिएण, अवगणिओ गणगणवियारो ॥१२६॥
15
20
25
Jain Education International 2010_02
For Private & Personal Use Only
www.jainelibrary.org
