________________
5
10
15
20
25
१८०
Jain Education International 2010_02
श्रीधर्मविधिप्रकरणम्
कवडेण सावगत्तं पि, गिहिउं कन्नयं अहं एयं । परिणेमि जमिह अन्नो, कोऽवि उवाओ फुरइ नेव ॥ २४ ॥ इय चिंतिऊण हियए, साहुसयासे समागओ सहसा । पणमिय पभणेइ गुरु, करकमलं जोडिउं पुरओ ॥ २५ ॥ भयवं ! भवन्नवेऽहं, पडिओ तुम्हाण सरणमल्लीणो । ता नित्थारह तुब्भे, नियधम्मतरंडदाणेण ॥२६॥ तो तेहिँ तस्स धम्मो, कहिओ जिणनाहदेसिओ तत्थ । सोऽवि हुतं पडिवज्जइ, भवभयभीउ व्व कवडेण ॥२७॥ अह पइदिणसवणाओ, परिभाविंतस्स अणुदिय (हमण)हं । धम्मो जिणपन्नत्तो, भावेण परिणओ चित्ते ॥२८॥ " तो भणइ वंदिऊणं, गुरुणो भयवं ! सुणेह मह वयणं । कन्नाकएण धम्मो, एसो गहिओ मए पुव्वं ॥२९॥ इहि पुण भावेणं, एसु च्चिअ मज्झ परिणओ चित्ते । कायमणिबुद्धिगहिओ वि, एस चिंतामणी जाओ ॥३०॥ ता मह अणुव्वयाई दयाइ सव्वाइ देह विहिपुव्वं । तह सिक्खावेह सम्मं, जमित्थ जिणसासणे किच्चं ॥३१॥ तत्तो धम्मकिरियं, गुरूहिँ सव्वं पि सिक्खिओ विहिणा । सोऽवि हु सब्भावेणं, तं तहमणुदियहमायरई ॥३२॥ न्हवणबलिपूयजत्ताइयाइ कारइ जिणिदभवणेसु । पडिलाइ भत्तीए, फासुयदव्वेहि मुणिनिवहं ॥३३॥ साहम्मियवच्छल्लं, करेइ तंबोल भोयणाईहिं । दीणाइयाण दाणं, देइ जहिच्छाइ अणवरयं ॥ ३४॥ आवस्सय सज्झाए, सामाइय - पोसहेसु उज्जुत्तो । पत्तो परं सिद्धि, सावयवग्गस्स मज्झमि ||३५|| तं तह जिणधम्मरयं, दट्टु जिणधम्मसावओ तस्स । सयमेव देइ पुर्ति, सुधम्म इव वंछियं सिद्धि" ॥३६॥
For Private & Personal Use Only
www.jainelibrary.org
