________________
१७६
10
श्रीधर्मविधिप्रकरणम् भद्दा गिई तुमं पुण, कोऽवि नरो नेव होसि सामन्नो । ता अवसरेसु सिग्धं, भूमिं मा हवउ निप्पुरिसो ॥२८०॥ विन्नायचोरचरिओ, निवोऽवि तब्भासियामयं पाउं । वज्झो सव्वं गहिऊण, एस इय चितिउं चलिओ ।।२८१॥ अह तम्मि गए कवडेण, एस जाइ त्ति भणइ सा कन्ना । नररयणं रक्खेउं, दोसं च तमप्पणो इंतं ॥२८२।। तो कंकलोहखग्गं, आयड्डिय पाणहरणविसगंठिं । तव्वहणट्ठा धावइ, मंडिओ मच्चुदूउ व्व ॥२८३॥ तं पाणहरणपवणं, चोरं आसन्नमागयं दटुं । ठाइ निवो लहु चच्चरठियपत्थरथंभपरभागं ॥२८४॥ सो कोवंधो पत्थर-थंभं पुरिसं ति तं वियाणंतो । कोवेण खग्गदंडेण, मंडिओ खंडए झत्ति ॥२८५।। तो खंडिउं नियत्तिय, नियठाणं जाइ सिद्धकज्जु व्व । चोरोवलद्धिमुइओ, पत्तो राया वि नियभुवणे ॥२८६।। बीयदिणे तं दटुं , राया संचलइ रायवाडीए । तस्सुवलक्खणदक्खं, इओ तओ जा खिवइ चक्टुं ॥२८७।। तो दोसियहट्ठाणं, पुरओ तुन्नारगाण वेसेण । ह(फो)रंतदिट्ठिजुयलो, दिट्ठो सो मंडिओ चोरो ॥२८८॥ करचरणमत्थयाइसु , अइलिल्लिरपट्टबंधणामिसेण । चोरेसु पट्टबंधं व जो फुडं तत्थ उव्वहइ ॥२८९॥ तं निसिदिटुं पि निवो, चोरं उवलक्खिउण निब्भंतं । काऊण रायवाडि, खणेण वलिउं गओ भुवणे ॥२९०।। अह अत्थाणे निवसिय, अहिनाणट्ठाणकहणपुव्वं तं । तुन्नारं आहविउं, पेसेइ स पुरिसपोरिसे ॥२९१।। सो तेहिं समाहूओ, चिंतइ नूणं निसाइ सो पुरिसो । न मया हणिओ तइया, वियंभियं तस्स ता एवं ।।२९२।।
25
Jain Education International 2010_02
For Private & Personal Use Only
www.jainelibrary.org
