________________
10
सप्तमं धर्मभेदद्वारम्
देवयअहिट्ठिया ते, सव्वत्तो परिभमंति नयरम्मि । पिक्खंता रज्जधरं, विदेसिया नयरलच्छि व ॥२१५॥ रज्जारिहं अपिक्खिय, नयरम्मि नरं न तारिसं कमवि । तो बहिया नीहरिया, संपत्ता मूलदेवं च ॥२१६॥ अह गज्जिओ गइंदो, लद्धो रज्जारिहु त्ति बिंतु व्व । हेसामिसेण तुरओ, जंपइ जग्गसु निवसुय त्ति ।।२१७॥ सित्तो भिंगारेहिं, वित्थरियं उवरि तस्स छत्तं च । उल्ललियं चमरजुयं, सयमेव य दिव्वभावाओ ॥२१८।। तं मूलदेवकुमरो, पिक्खंतो सव्वमवि पमोयड्ढो । उप्पाडिऊण करिणा, खंधे आरोविओ झत्ति ॥२१९॥ अह सामिलाभपमुइय-जणाण जयजयरवो समुच्छलिओ । तह वज्जियाइँ मंगल-तूराई मंगलकएण ॥२२०।। परिणेउं अब्भागय इव, विहियाणेगमंगलो राया । विन्नायडम्मि नयरे, पविसइ, उत्तंभियपडाए ॥२२१॥ तो अत्थाणे सिंहा-सणम्मि नारायणु व्व ससिरीओ । उवविट्ठो अहिसिंचिय, सामंताईहि पणिवइओ ॥२२२।। अह गयणत्था देवी, सभाजणं भणइ एस तुम्हाण । राया विक्कमराओ, जाओ देवाणुभावेण ॥२२३॥ जो खंडिस्सइ आणं, इमस्स आखंडलस्स व इयाणि । तं दंडिस्सामि अहं, वज्जेण व उग्गदंडेण ॥२२४॥ तं सोऊणं सामंत-मंतिपमुहा चमक्किया सव्वे । जाया पयाउ मित्ता, इव आणावत्तिणो तस्स ॥२२५।। तं निग्घिणसम्माणं, सद्धडनामं समाहविय ढक्कं । गामं अदिट्ठसेवाइ, वियरए तस्स तं चेव ॥२२६॥ पत्ता वि रज्जलच्छी, न रंजए मलदेवनिवहिययं । अच्चंतमणोहरा वि हु , आसत्तं देवदत्ताए ॥२२७।।
15
20
25
Jain Education International 2010_02
For Private & Personal Use Only
www.jainelibrary.org
