________________
१७०
10
श्रीधर्मविधिप्रकरणम् रायसुओ वि पभाए , पत्तो आरामिउ व्व आरामं । रंजइ पुप्फावचयाइ, विणयओ मालियं तत्थ ॥२०२।। तत्तो तद्दिन्नाइं, पुप्फफलाईणि गिन्हिउं पत्तो । सुमिणवियारगगेहे, सुइभूओ चेइयहरि व्व ।।२०३।। पणमिय सुमिणवियारग-मुवणेउं तस्स पुप्फफलपमुहं । कहिऊण य तं सुमिणं, पुच्छइ विणएण तस्सत्थं ॥२०४॥ सो सुमिणफलं नाऊण, विम्हिओ भणइ वच्छ ! उवविससु । सुमुहुत्ते विज्जामिव, सुमिणत्थं तुह कहिस्सामि ॥२०५॥ इय भणिय न्हाणजिमणा-इएहिं संमाणिऊण अतिहिं व । सो ढोयइ नियकन्नं, तह जंपइ वच्छ ! परिणेसु ॥२०६॥ तो भणइ मूलदेवो, अमुणियकुलसीलगुणवियारस्स ।। मह भद्द ! निययकन्ना, कह दाउं जुज्जए तुज्झ ॥२०७।। सो भणइ भो गुणालय ! कुलसीलगुणाइयं मए नायं । विणयाइगुणगणेहि, पयासियं तुह सहचरेहिं ॥२०८।। इय तं पडिवज्जाविय, सो परिणावेइ तत्थ नियकन्नं । अणइच्छिया वि लच्छी, नराण पुन्नोदए हवइ ॥२०९॥ अह सुमिणत्थं अक्खइ, दिव्वन्नाणी व तस्स सो एयं । तुह वच्छ ! इह भविस्सइ, सत्त दिणब्भंतरे रज्जं ॥२१०|| अह सो सुमिणत्थेणं, देवयवयणाणुगामिणा तुट्ठो । रहिओ तत्थ पडतं, रज्जं अन्नेसयंतु व्व ॥२११॥ पंचमदिणेहिँ पन्नेहि, आहओ इव वणे गओ बहिया । सुत्तो चंपयछायाइ, सो तहिं खिन्नपहिउ व्व ॥२१२॥ तइया य तप्पुरेसो, निप्पुत्तो नरवई मओ तत्तो । जाया निव्वीरा इच्छियव्वलच्छी निरालंबा ॥२१३।। अहिवासिया य हयगय-भिंगारच्छत्तचामरा दिव्वा । सचिवाइएहिँ तइया, रज्जारिहपुरिसलाभकए ॥२१४।।
15
25
Jain Education International 2010_02
For Private & Personal Use Only
www.jainelibrary.org
