________________
१६९
सप्तमं धर्मभेदद्वारम्
एसासन्नो गामो, अवरो चिट्ठइ अहं तु तत्थ गओ । अन्नं किं पि लहिस्सं, ता एए देमि एयस्स ॥१८९।। इय चिंतिऊण भत्तीइ, मूलदेवेण साहूणो तस्स । दिन्ना ते कुम्मासा, पढियं च हरिसेण ॥१९०॥ धन्नाणं खु नराणं, कुम्मासा हुंति साहुपारणए । हिययम्मि अमायंते, एवं हरिसे कए पयडे ॥१९१॥ गयणंगणट्ठियाए , महरिसिभत्ताइ देवयाइ तओ। भणियं सुंदर ! तुमए , भरिओ नियपुन्नभंडारो ॥१९२॥ गाहाए पुव्वद्धं , पढिउं हरिसो (य) पयडिओ तुमए । ता वच्छ ! जहारुइयं, मग्गसु तं पच्छिमद्धेण ॥१९३॥ इय देवीए वयणं, सोउं मग्गेइ मूलदेवो वि । गणियं च देवदत्तं, दंतिसहस्सं च रज्जं च ॥१९४॥ तो देवयाइ वुत्तं, निच्चितो वच्छ ! वच्चसु इयाणि । संपज्जिस्सइ एयं, महरिसिदाणाउ तुह सिग्धं ॥१९५॥ तं आयन्निय तुट्ठो, भत्तीइ महामुणिं पणमिऊण । आसन्नगामलद्धा-हारेणं पारणं कुणइ ॥१९६।। पत्तो कमेण विन्ना-यडम्मि वसियओ य पहियसालाए । सुमिणम्मि निसाअंते, पिक्खइ चंदं मुहपविटुं ॥१९७॥ तत्थेगो कप्पडिओ, सुमिणमिणं चेव पिक्खिय पबुद्धो । साहेइ सत्थियागं, विवारिउं ते तओ बिंति ॥१९८॥ ससिवत्तुलमज्ज तुम, भिक्खाए सगुडमंडगं लहसि । सो भणइ मज्झ एयं पि, होउ सुमिणप्पभावेण ॥१९९॥ तेसिं तु मूलदेवो, वियक्खणो नेव अक्खए सुमिणं । किं रयणाण परिक्खा, निप्पज्जइ लवणवणिएहिं ॥२००॥ पत्तो कप्पडिएण वि, घरछायणियाइ मंडगो सगुडो । पाएण देइ सुमिणो, फलं वियाराणुमाणेण ॥२०१॥
15
20
25
Jain Education International 2010_02
For Private & Personal Use Only
www.jainelibrary.org
