________________
१६८
श्रीधर्मविधिप्रकरणम् आसालट्ठिविलग्गो, वच्चइ छुहिओ वि मूलदेवो जा । ताव तह च्चिय ढक्को, भुत्तो बीए वि दिवसम्मि ॥१७६॥ वोलियपाया अडवी, अज्ज अवस्सं ममावि दाहि त्ति । निवसुयचिंताइ समं, भुंजइ ढक्को वि तइयादणे ॥१७७।। तत्थ वि न किं पि दिन्नं, तत्तो अडवी वि तेहि निच्छिन्ना । तत्तो तेसिं दुन्ह वि, जाया अन्नुन्नया मग्गा ॥१७८॥ ढक्केण तओ भणिओ, कुमरो भो भद्द ! तुज्झ एस पहो । जामि अहं पुण इमिणा, तं जंपइ मूलदेवो वि ॥१७९।। तुह साहिज्जेण मए, तरिया अडवीतओ तए इन्हि । विन्नायडम्मि चलिओ, नायव्वो मूलदेवो हं ॥१८०॥ रज्जाइरिद्धिमसमं, कत्थ वि मह मुणिय तं मिलेज्जासु । किं नाम तुज्झ अक्खसु , स आह मे सद्धडो नाम ॥१८१॥ नवरं निग्घिणसम्मु त्ति, जणकयं मज्झ नाम वित्थरियं । जंपेइ मूलदेवो, ममावि सप्पच्चयं एयं ॥१८२॥ इय भणिउं रायसुओ, विन्नायडपुरपहेण वच्चंतो । वच्चंतगाममेगं, भिक्खट्ठाए अणुपविट्ठो ॥१८३॥ तत्थ महाकट्ठणं, कुम्मासे पाविऊण गामबहिं । जा वच्चइ जलतीरे, कयट्ठमो भोयणट्ठाए ॥१८४॥ ताव तवसोसियंगो, महप्पभावो महामुणी दिह्रो । मासोपासपारणहेउं गामम्मि पविसंतो ॥१८५।। तं दट्ठणं असरिस-हरिसवसुब्भिज्जमाणरोमंचो । चिंतेइ मूलदेवो, अहो महप्पा मुणी एसो ॥१८६॥ एरिससुपत्तखित्ते, खित्तं अन्नाइबीयमइसुद्धं । सद्धारससंसित्तं, अणंतफलदायगं होइ ॥१८७॥ मह एइ च्चिय इन्हि, कुम्मासा संति देसकालुचिया । गामो एस अदाया, इन्हि दिट्ठो मरणावि ॥१८८॥
15
25
Jain Education International 2010_02
For Private & Personal Use Only
www.jainelibrary.org
