________________
5
10
1115
20
25
१६६
Jain Education International 2010_02
श्रीधर्मविधिप्रकरणम्
सो देव! मूलदेवो, पाडलिपुत्तम्मि वीरसेणस्स । रन्नो सुआ पसिद्धो, सयलकलाकणयकसवट्टो || १५० ॥ केण वि अवमाणेणं, पिउणो देसं पि परिचएऊण । सामिय ! तुज्झ पुरीए, पत्तो गुणरयणभंडारो ॥ १५१ ॥ ता पहु ! अणुरत्ता हं, गुणगिज्झा तम्मि गुणगणाधारे । सो एवं अयलेणं, अभिभूओ अज्ज दासु व्व ॥१५२॥ सामिय ! देहेणं चिय, मज्झ वि भिन्नत्तमासि सह तेण । ता तद्दुक्खपलित्ता, संजाया दुम्मणा एवं ॥ १५३॥
तं सगुणरायपुत्तस्स, अभिभवं नरवई सुणेऊण । रुट्ठो अयलं आहविय, वइयरं पुच्छिउं चाह ॥१५४॥ किं रे दुट्ठ ! तुमं इह, सामी जमिमस्स रायपुत्तस्स ! । गुणनिहिणो सयमेवं, करेसि दंडं निउत्तु व्व ॥ १५५ ॥
इय भणिऊणारक्खं, आइसइ निवो इमस्स सव्वस्स । हरिऊण खिवसु एयं कयंतवयणम्मि कवलं व ॥१५६॥ इमिणा वि मूलदेवो, मुक्को जीवंतउ त्ति गणियाए । मोयाविओ वहाओ, तो भणिओ निवइणा एवं ॥ १५७ ॥ मुको सि जीवमाणो, गणियावयणेण संपयं नवरं । आणीय मूलदेवं, पविसिज्ज मज्झ देसे वि ॥ १५८॥ तो रायासेणं, वज्जभएणं व तक्खणं चेव । अयलो तया चलिओ, निवआणा जं अलंघ त्ति ॥१५९॥ सव्वत्थ वि अन्नेसइ, स मूलदेवं परं न पावेइ । अप्पुन्नु व्व निहाणं, तो पारसकूलमणुपत्तो ॥ १६०॥ रन्नो भएण तत्थ वि, रहिओ आणाविऊण सकुडंबं । रन्ना वि देवदत्ता, सोवालंभं इमं भणिया ॥१६१॥ कहसु कह मूलदेवो, इहागओ मज्झ न कहिओ तुमए ? | सा आह मए बहुहा, भणिओ वि न देइ सो कहिउं ॥ १६२ ॥
For Private & Personal Use Only
www.jainelibrary.org
