________________
१६४
10
श्रीधर्मविधिप्रकरणम् ता तुममेय अवमाणिऊण, अन्नत्थ कत्थ वि गमेसु । तुह चेव देवदत्ता, अणुरत्ता होइ जेणेसा ॥१२४।। अह अयलो पहसमए, जपेई देवदत्तमज्ज पिए ! । गामंतरम्मि गंता, दिणत्तयेणागमिस्सामि ॥१२५॥ कवडेण तमिय भणिउ, अक्कं च मुणाविउ गओ अयलो । वेसा वि मूलदेवं, आहविउ रमइ साणंदा ॥१२६।। तं वृत्तंतं अयलो, अक्काइ कहाविओ निसणिऊणं । आगंतूणं वेढइ, नियपाइक्केहिँ तब्भुवणं ॥१२७॥ लीलाइ छुरियहत्थो, अंतो भवणस्स पविस्सइ सयं तु । मज्झम्मि मूलदेवं, अविज्जमाणं व जाणतो ॥१२८॥ अयलं सहसा सत्तुं व, भवणमज्झागयं वियाणित्ता । जंपेइ देवदत्ता, भयभीया मूलदेवमिमं ॥१२९॥ पिययम ! तुब्भे पल्लकहिट्ठओ इत्थ चेव चिह्रह । जाव विसज्जेमि इमं, तेणावि तह त्ति तं विहियं ॥१३०॥ आगंतूण अयलो, पल्लंकं आसिऊण तं भणइ । देवि ! वयमज्ज गामं, असऊणखलणाउ नो पत्ता ॥१३१॥ अक्का संकेयाओ, पल्लंकतलट्ठियं तमवगम्म । सो जंपइ अज्ज पिए !, इय दुस्सुमिणो मए दिट्ठो ॥१३२॥ जाणामि निसाअंते, पल्लंके चेव संठिओ इत्थ ।। अब्भंगिऊणन्हाओ धुवं इमो ताव दुस्सुमिणो ॥१३३॥ तो तप्पडिघायकए, इत्थेव ठियं न्हवेसु मं अज्ज । तं सोऊणं अक्का, कारइ लहु न्हाणसामग्गि ॥१३४।। पुव्वकयामिव सव्वं पि, आणिउं तं च ढोयए जाव । तो भणइ देवदत्ता, पिय ! उवविस न्हाणपीढम्मि ॥१३५॥ सत्थाहो भणइ पिए !, विणिस्सउ तुज्झ तुलियाइयं । इतो वि दुगुणमुल्लं, अन्नयरं कारइस्सामि ॥१३६।।
15
25
Jain Education International 2010_02
For Private & Personal Use Only
www.jainelibrary.org
