________________
10
सप्तमं धर्मभेदद्वारम्
इय जेण जेण सद्धिं, संबज्झइ तस्स तस्स तब्भावं । अणुहरइ मूलदेवो, फलिहो इव सव्वदव्वाणं ॥७॥ सो जागमतविज्जा-बलेहिँ विविहेहिँ कोउगसएहिं । विम्हावंतो लोयं, नयरजणं भमइ सच्छंदो ॥८॥ सयलकलानिलयस्स वि, नवरं तस्सासि मूलदेवस्स । चंदस्स कलंको इव, जणयपयडो जूयरमणरसो ॥९॥ तो जूयवसलणालीणं, तं सिढिलियरज्जकज्जवावारं । कुमरं नाऊण निवो, आहविउं सिक्खए एवं ॥१०॥ "वच्छ ! पुरा जूएणं, रायाणो नलजुहिट्ठिलाईया । संतेउरं पि रज्जं, हारिय परसेवगा जाया ॥११॥ ता वच्छ ! तुमं निम्मल-गुणगणकलिओ वि जूयवसणमिमं । इहपरलोयविरुद्धं, सया वि मुंचसु अकज्जं व" ॥१२॥ अणुसासिओ वि एवं, निययसहावं व मुंचइ न जूयं । एगंतेणं लीणं, कामुग इव कामिणीण सया ॥१३॥ तो निट्ठरवयणेहिं, पिउणा सो ताडिओ पराभूओ । एगागी माणधणो, रुट्ठो नयराउ नीहरिओ ॥१४॥ बहु ठाणेसु भमंतो, पत्तो अच्छरियरम्ममुज्जेणिं । तत्थ निवो जियसत्तू , जहत्थनामेण विक्खाओ ॥१५॥ अह तत्थ मूलदेवो, नाणाविहगुडियजोगमंतेहिं । विहियसरवन्नभेओ, भमेइ वामणवेसेण ॥१६॥ बहुविहगीयकलाहिं, नवनवकोउगसएहिनिच्चं पि । रंजंतो नयरिजणं, जाओ सव्वत्थ विक्खाओ ॥१७॥ तत्थेव अत्थि एगा, वेसा नामेण देवदत्त त्ति ।। वाईसरि व्व मुत्ता, सयलकलागुणपरिक्खासु ॥१८॥ रूवम्मि पत्तरेहा, निरूवमलायन्नगुणअमयकुंडं। सिरिवम्महनरवइणो, जा जंगमरायहाणि व्व ॥१९॥
15
20
25
Jain Education International 2010_02
For Private & Personal Use Only
www.jainelibrary.org
