________________
5
10
15
20
25
१४६
Jain Education International 2010_02
श्रीधर्मविधिप्रकरणम्
जइ पुण तुह वयणाओ, भक्खिस्सर कहवि कामंसमिम ।
ता नूण भग्गनियमो, पडिही अन्नत्थकुईए ॥ २७२॥ एएण कारणेणं, रोएमो निब्भरं महाभाग ! |
"
एयं च तुमं सोउं, जं जुत्तं तं करिज्जासु ॥ २७३॥ इय तव्वयणं सोउं, विम्हियचित्तो गओ स उज्जेणि । नरवइउवरोहेणं, इय भणिओ वंकचूली वि ॥ २७४॥ भो मित्त ! कीस न कुणसि, तुममिन्हि कागमंसपरिभोगं । पच्छा पच्छित्तमिमं, आलोइज्जा सुगुरुपासे ॥ २७५॥ तो ते जंपिय धम्म - मित्त ! एवं तुमं पि उवइससि । जाणंतनियमभंगे, पच्छित्तं कं गुणं जणइ ? ॥ २७६ ॥ जइ भंजिऊण नियमं तप्पायच्छित्तमणुचरेयव्वं । ता पढमं चिय जुत्तो, नो काउं नियमभंगो मे ॥ २७७॥ तो अक्ख नरवइणो, जिणदासो देव ! पभणिओ वि इमो । अवि चयइ जीवियव्वं, न उणो नियमं चिरग्गहियं ॥ २७८ ॥ इत्तो पारत्तहियं, ता कीरउ देव ! वंकचूलिस्स । निच्छयभविस्समरणे, किमकिच्चणं कएणावि ॥ २७९॥ एवं वृत्ते रन्ना, सुयनिहिणो साहुणो समाहूया । पज्जंतविहिसणाहो, कहाविओ धम्मपरमत्थो ॥ २८०॥ अह सो साहुसमीवे, आलोइयपुव्वकम्मदुच्चरिओ । खामियसमग्गजीवो, विसेसपडिवयनिवहो ॥२८१ ॥ पंचपरमिट्ठिमंतं, परिवत्तंतो समुज्झियाहारो । मरिऊण अच्चुयम्मी, देवो जाओ महिड्डिओ ॥ २८२॥ जिणदाससवगो वि य, नियगामं पइ पुणो नियत्तंतो । तह चेव ताउ देवीउ, रोयमाणीउ जंपेइ ॥ २८३ ॥ मंसंमि अभुत्तम्मिय, किं तुब्भे रुयह ? ताहि तो कहियं । सविसेसविहियधम्मो, देवो अन्नत्थ उप्पन्नो ॥२८४॥
For Private & Personal Use Only
www.jainelibrary.org
