________________
5
10
षष्ठं धर्मदानयोग्यद्वारम्
१४१ पुव्वग्गहियाभिग्गह-मणुसरिउं भणइ वंकचूली वि । जइ नरवइणो भज्जा, ता मह जणणि व्व होसि तुमं ॥२०७॥ पुणरवि महाणुभावे !, मा तुममेवं समुल्लविज्जासु । मइलिज्जइ जेण कुलं, कुलप्पसूयाण तमकिच्चं ॥२०८॥ अहह ! महामुद्ध ! किमेव-मणुचियं वाउलु व्व वाहरसि । इय निब्भच्छंतीए , तीइ सकोवाइ भणिओ सो ॥२०९।। जं सुमिणे वि न पिच्छसि, भूवइभज्जंतमिन्हि संपत्तं । किं मूढ ! नोव जसि ?, पडिभणियं तेण इत्तो य ॥२१०॥ अंब ! विमुंच ग्गाहं, मणसा वि हु चिंतियं न जुत्तमिमं । वरमुग्गविसं भुत्तुं , मा कय एवंविहमकज्जं ॥२११॥ वयणपडिकूलणावस-सविसेससमुल्लसंतकोवाए । पयडक्खरेहि भणियं, देवीए तं पडुच्च इमं ॥२१२॥ होसि वसे मज्झ तुमं, हयास ! नूणं विडंबिओ संतो । जाइस्सइ सग्गं नग्ग-खवणओ नवरि विगुत्तो ॥२१३।। अह तेण जंपिया सा, अंबे ! अंब त्ति पुव्वमुल्लविउं । तुममेव संपयं कह, जायं भणिऊण सेवेमि ॥२१४॥ एयं च तदुल्लावं, कडगंतरिओ समग्गमवि सुच्चा । देवीपसायणट्ठा, चिरागओ चिंतए राया ॥२१५॥ 'अच्छरियमहो सम्माण-दाणरंजिज्जमाणहियया वि । नावत्थाणं बंधइ, इत्थी एगत्थ पुरिसम्मि ॥२१६॥ जेण सुकुलुब्भवा वि हु , अणुरत्तमणं ममं वि मुत्तूण । अमुणियनामं पि नरं, कामिउमिच्छइ इमा एवं ॥२१७॥ धी धी पडिबंधो सव्वहा वि, रामासु सुहविरामासुं । जं कुसला वि इमाहिं, खिप्पं खिप्पंति विहरम्मि ॥२१८॥ अज्ज वि कोइ सुपुरिसो, एसो चोरो न जो मुयइ मेरं । पत्थिज्जंतो वि इमाइ, सामभेयाइभणिईहिं ॥२१९॥
20
25
Jain Education International 2010_02
For Private & Personal Use Only
www.jainelibrary.org
