________________
१४०
श्रीधर्मविधिप्रकरणम् रयणीइ तेण तप्पुच्छ-बुद्धदढदोरगेण अप्पाणं । संजमिऊणं गोहा, निवभुवणारोहणे मुक्का ॥१९४॥ निठुरचरणावटुंभ-ओयसा लंघिऊण गिहभित्तिं । पासायं आरुढा, तयणुठिओ वंकचूली वि ॥१९५॥ तं उज्झिऊण सणियं, सो पविसइ जाव भवणमज्झम्मि । ता तव्वेलाइ तहिं, रन्नो उवरि विहियकोवा ॥१९६।। मणिभूसणकंतिकडप्प-निहयतिमिरा नरिंदवरभज्जा । सिज्झठिया तं पिक्खिय, जंपेई को तुमं भद्द ! ॥१९७॥ सो भणइ अहं चोरो, पयडो भुवणम्मि वंकचूलि त्ति । मणिकणगचोरणट्ठा, इहागओ तेण इयवुत्ते ॥१९८॥ पडिभणियं देवीए , न तुमं चोरो हिरन्नमाईणं । जं निग्घण ! मह हिययं, इन्हि पि हु चोरियं तुमए ॥१९९।। तेण वि जंपियमेयं, भद्दे ! मा एवमुल्लवसु जेण । को सुचिरजीवियत्थी, फणिपहुमणिमहिलसइ घित्तुं ॥२००॥ अह तस्स मयणसच्छह-सरीरसुंदेरहरियहिययाए । इत्थीसहावउ च्चिय, अच्चंतं तुच्छबुद्धीए ॥२०१॥ कुलगजणावलोयण--परंमुहाए अणंगविहुराए । तीए भणियं भद्दय ! दूरुज्झियपडिभयासंको ॥२०२॥ अभिरमसु ममं संपइ, एसा तुह चिंतियत्थसंपत्ती । इत्तु च्चिय सविसेसा, होही अन्ना वि अवसेसा ॥२०३।। किं नो पिच्छसि अच्चंत-निम्मलुल्लसियरयणपहपसरं । आभरणमालियं इत्थ, सुहय ! एयाइ तं सामी ॥२०४॥ इय तीइ गिरं सोऊण, जंपियं वंकचूलिणा भद्दे ! । का सि तुमं ? किमिह ठिया ?, को वा ते पाणनाहु त्ति ? ॥२०५॥ तिए भणियं भद्दय !, महानरिंदस्स अग्गमहिसी हं । कयकोवा नरनाहे, एवं इत्थ य वसामि त्ति ॥२०६।।
20
25
Jain Education International 2010_02
For Private & Personal Use Only
www.jainelibrary.org
