________________
१३९
10
षष्ठं धर्मदानयोग्यद्वारम्
दिट्ठा य देवदत्ता, सुत्ता सिज्जाइ कुट्ठिएण समं । निद्दामुद्दियनयणा, तो चिंतइ सो इमं हियए ॥१८१।। अहह कहं एवंविह-धणवित्थारा वि दविणलाभकए । अभिरमइ कुट्ठियं पि हु , एसा ही लोहमाहप्पं ॥१८२॥ अहवा अहं अणज्जो, जो इत्तो वि हु धणं समीहामि । ता पज्जत्तं इमिणा, परमिड्डियगिहमणुसरामि ॥१८३।। ततो समग्गवणिय-प्पहाणसिट्ठिस्स मंदिरे खत्तं । पाडेउं सो पविसइ, सणियगई भवणमज्झम्मि ॥१८४॥ पिच्छइ य तहिं सिटुिं, करसंपुडधरियखडियसंपुडयं । पुत्तेण समं लिक्खग-मणुट्ठमाणं गुरुसरेण ॥१८५॥ तत्थ य एगम्मि विसो-पगम्मि कहमवि अपुज्जमाणम्मि । रुट्ठो सिट्ठी जंपइ, पुत्तं रे ! रे ! दुरायार ! ॥१८६।। अवसरदिट्ठिपहाओ, नीहरसु गिहाउ मज्झ इन्हि पि । अहमित्तियमत्थखयं, पिउणो वि नियस्स न सहेमि ॥१८७॥ एवं पयंपमाणं, भालयलारोवियाच्छिदुप्पिच्छं । सिट्टि पिक्खिय चिंतइ, पल्लिवई विम्हिओ संता ॥१८८॥ जो एगविसोपगविप्पणासमवलोइऊण पुत्तं पि । निस्सारिउं समीहइ, सो जइ मुसिउं गिहं मुणइ ॥१८९॥ ता नूण मरइ धणवि-प्पणासवसजायहिययसंघट्टो । एवं च किवणपिउणो, न मारणं जुज्जइ इमस्स ॥१९०॥ ता जामि मंदिरे नर-वरस्स पावेमि वंछिय जेण । न हि विरमइ तन्हा, वारणस्स तणुविवरनीरेण ॥१९१॥ एवं परिभावितस्स, तस्स रयणी विराममणुपत्ता । अरुणो विप्फुरिओ पुव्व-वहुमुहे घुसिणतिलउ व्व ॥१९२॥ अह सणीयं चिय तत्तो, नियत्तिउं सो गओ अरन्नम्मि । पुट्ठसरीरं गोहं, घित्तुं च समागओ नयरिं ॥१९३॥
20
25
Jain Education International 2010_02
For Private & Personal Use Only
www.jainelibrary.org
