________________
षष्ठं धर्मदानयोग्यद्वारम्
पल्लवणो वि तर्हि, बहु पावपओयणेसु पउणस्स । नाणाविहवसणसया - उलस्स वच्चंति दियहाई ॥ १०३ ॥ अह अन्नया कयाई, निययसहामंडवे निसन्नस्स । तेण पयंपियमेयं, चिरमिह ववसायरहियस्स ॥ १०४ ॥ वोलंत वासरा मे, ता भो पुरिसा पुरं सुगामं वा । सत्थं वा सुसमिद्धं, सव्वत्थ पलोइउं एह ॥ १०५ ॥ जम्हा तं लुंटेमो, गंतूणं मुत्तु सेसकज्जाई । जं केसवं पि मुच्चइ, लच्छी ववसायपरिहीणं ॥१०६॥ आयन्निऊण एयं, तह त्ति पडिसुणिय सासणाउ त्ति । पुरिसा जहुत्तठाणाइँ, हेरिऊणागया बिंति ॥१०७॥ नाह ! निसामेसु तुमं, सत्थो बहुसारवत्थुपडिपुन्नो । अमुगपणं एही, दुन्हं दिवसाण उवरिम्मि ॥ १०८॥ ता जइ वट्टाबंधं, काउं अच्छह अणागयं तुब्भे । ता पावेह जहिच्छिय-लच्छीविच्छड्डुमचिरेण ॥१०९॥ एवं सुच्चा कयवय - दिणाण जुग्गं गहाय संबलयं । नियपरियणपरिकिन्नो, पल्लिवई तं गओ ठाणं ॥ ११० ॥ सो पण सत्थो अवसऊण, दोसओ तं पहं विमुत्तूण | मग्गंतरेण लग्गो, पत्तो य समीहियपसं ॥ १११॥ पल्लई विहु तप्प - पलोयणं कुणइ अणमिसच्छीहिं । नवरं पुव्वाणीयं, संबलयं निट्ठियं सव्वं ॥ १९२॥ ता विच्छायो, पीडिज्जतो छुहाइ वल्लिऊण । पत्तो पल्लिसमीवे, तत्तो पहखेयसंतत्तो ॥ ११३॥ सीयलतरुछायाए, नवकिसलयसत्थरं विरइऊण । पल्लिवई विस्सामं, करेइ नीसत्तसव्वंगो ॥११४॥ परियणपुरिसा य गया, सव्वत्तो कंदमूलफलहेडं । अह एत्थ पसे, तेहिं अवलोयमाणेहिं ॥११५॥
Jain Education International 2010_02
For Private & Personal Use Only
१३३
5
10
15
20
25
www.jainelibrary.org
