________________
१३२
श्रीधर्मविधिप्रकरणम् ता तुज्झ अणुन्नाए , धम्मुवएसं पयंपिउं किं पि । वंछामि वच्छ ! वुच्चउ, किं वा पुव्वु च्चिय निसेहो ॥१०॥ गामंतरम्मि जंता, एए मह कित्तियं कहिस्संति । इय चितिऊण तेण वि, पयंपियं भणह सुकरं ति ॥९१॥ इत्थंतरम्मि सूरी सविसेससुओवओगओ नाउं । नियमेहिँ जेहिँ जायइ, इमस्स धम्मुम्मुहा बुद्धी ॥९२॥ जत्तो पच्चक्खं चिय, उप्पज्जइ आवयापडिग्घाओ। जाणेइ तओ एसो, माहप्पं नियमगहणस्स ॥९३॥ "तो कहइ गुरू भद्दय ! जीवे घाओ न ताव दायव्यो । जाव न सत्तट्ठ पए, पच्चाहुत्तं नियत्तो सि ॥९४॥ एगो एसो नियमो, बीओ पुण मा अनायनामाणि । भक्खिहसि फलाणि तुमं, अच्चंतछुहाभूओ वि ॥१५॥ तइओ य नरवरिंदस्स, अग्गमहिसी न कामियव्व त्ति । भुत्तव्वं नेव य काय-मंसमेसो चउत्थु त्ति" ॥१६॥ एए चउरो वि तुमं, जा जीवं सव्वजुत्तओ नियमे । पालिज्ज सुपुत्ते इव, इय पडिवन्ने गुरू भणइ ॥१७॥ "माणिक्ककणयमुत्ता-हलाइँ नारीण मंडणं होइ । पडिवन्नपालगं पुण, सप्पुरिसाणं अलंकारो ॥९८॥ छिज्जउ सीसं अह होउ, बंधणं चयउ सव्वहा लच्छी । पडिवन्नपालणे सुपुरि-साण जं होइ तं होउ ॥१९॥ संतासंतविसेसो, इत्तु च्चिय वुच्चए इह नराण । अन्नह समम्मि पंचिंदियत्तणे हुज्ज कह भेओ" ॥१००॥ इय मुणिवइणा भणियं, सम्ममभिग्गहचउक्कमादाय । काऊणं च पणामं, पल्लिवई पडिगओ सगिहं ॥१०१॥ समणगणसंपरिवुडो, मुणिनाहो वि हु जहाभिमयदेसं । इरिआसमिओ जुत्तो, गंतुं सणियं पयट्टेइ ॥१०२॥
15
20
- 25
Jain Education International 2010_02
For Private & Personal Use Only
www.jainelibrary.org
