________________
१२८
10
श्रीधर्मविधिप्रकरणम् जह तह भासित्तणमवि, वन्निज्जइ वयणकोसलत्तेण । सत्तवियलु त्ति भन्नइ, नयाणुवत्ती य मूढेहिं" ॥३८॥ एवंविहाइ तीए , पल्लीए वंकचूलकुमरो सो । अच्चंतपाववसगो, नरयकुडीइ व्व पविसेइ ॥३९॥ ठविओ य सबहुमाणं, विरपल्लीवइपयम्मि भिल्लेहि । निययपरक्कमवसओ, जाओ अचिरेण विक्खाओ ॥४०॥ अवगणियकुलायारो, अविचिंतियजनकधम्मववहारो । अवहत्थियलज्जभरो, विस्सारइ साहुधम्मगिरं ॥४१॥ अनिवारियपसरो सो, भमइ सया मत्तवणगइंदु व्व । परियरिओ भिल्लेहिं, पाणिवहं कुणइ अणवरयं ॥४२।। पच्चासन्नपुरागर-मडंबकब्बडविणासणुज्जुत्तो । थीबालवुड्डवीसंभ-घायणे देइ सो वित्तं ॥४३॥ निच्चं जूयपसंगी, निक्करुणो मज्जमंसउवजीवी । तीए वि य पल्लीए , जायरई वोलए कालं" ॥४४॥ अह अन्नया कयाई, वच्चंता कह वि सत्थपब्भट्ठा । कइवयसिस्सपरिवुडा, संपत्ता सूरिणो तत्थ ॥४५॥ जाओ य तम्मि समए, निवडंतुद्दामसलिलपब्भारो । तंडवियसिहंडिकुलो पढमु च्चिय पाउसारंभो ॥४६॥ "जत्थ य गज्जिरजलहर-तडिच्छडाडोवभीसणं गयणं । दटुं पउत्थचइया, धरति कटेण नियजीवं ॥४७॥ रेहति जम्मि पल्लव-पसाहिया साहिणो चउदिसासु । अवगुंठिय व्व नज्जइ, महिरमणी हरियपडएण ॥४८॥ नहलच्छीए वत्थं, अइउन्नयगुरुपओरहक्कंतं । विलसइ पायडियरसो, पाउसकालो पिययमु व्व" ॥४९॥ तं एवंविहरूवं, वरिसायालं पलोइउं सूरी । मुणिणो सुगुणनिहाणे, महुरगिराए इमं भणइ ॥५०॥
15
20
25
Jain Education International 2010_02
For Private & Personal Use Only
www.jainelibrary.org
