________________
5
10
15
20
25
१२६
Jain Education International 2010_02
श्रीधर्मविधिप्रकरणम्
सिंहावलोयणाउल-भिगकुलकीरंतकंदरपवेसं । साहिमिव सययं, नाणाविहभुयगपरिकलियं ॥१२॥
तं एवंविहमडविं, पत्तो कुमरो पहाउ पब्भट्ठो । तन्हाछुहाभिभूओ, नियपुरिसे भइ एवं च ॥ १३ ॥ भो ! भो ! उच्चतरुम्मी, आरुहिऊणं विलोयह दिसाओ । किं इह दीसइ कत्थ वि, जलासओ किं पि वसिमं वा ॥ १४ ॥ तव्वयणेणारूढा, पुरिसा एगम्मि उच्चतरुसिहरे । अवलोइउं पवत्ता, दिसिवलयं निउणदिट्ठीए ||१५|| अह थोवभूमिभागे, मसिकोइलगवलसामलसरीरा । जलणं पज्जालंता, भिल्ला अवलोइया तेहिं ॥ १६ ॥ कहिए एयम्मि तओ, कुमरेणं ते नरा समाइट्ठा । गच्छह एसि समीवे, पुच्छह मग्गं च वसिमस्स ||१७|| इय भणि ते पुरिसा, गया समीवम्मि तेसि भिल्लाण । मग्गं आपुच्छंता, पयंपिया तेहिँ एवं च ॥१८॥ तत्तो तुब्भे पत्ता, इत्थ तहा कस्स संतिया किं वा । देसंतरं सतीहह, गंतुं साहेह ताव इमं ॥ १९ ॥ पुरिसेहिँ जंपियं सिरि- पुराउ नामेण वंकचूलु त्ति । विमलजसरायपुत्तो, पिउअवमाणाउ नीहरिओ ॥२०॥ परदेसं वच्चंतो, इहागओ तस्स सेवगा अम्हे । मग्गस्स पुच्छणट्ठा, तुम्ह समीवम्मि संपत्ता ॥२१॥ भिल्लेहि तओ भणियं, तं दंसह अम्ह निवइणो पुत्तं । चलिऊणं पुरिसेहिं, पयंसिओ वंकचूली (लो) वि ॥२२॥ अह ते दूराउ च्चिय, विमुक्ककोदंडपमुहसत्थगणा । भिल्ला कुमरं नमिऊण, माणसे इय विचितंति ॥२३॥ एवंविहसुंदररूव-लक्खणालंकिओ इमो अम्ह । जइ कह वि होइ नाहो, ता जायइ सव्वसंपत्ती ॥२४॥
For Private & Personal Use Only
www.jainelibrary.org
