________________
5
10
15
20
25
१२२
Jain Education International 2010_02
श्रीधर्मविधिप्रकरणम्
पुच्छइ अज्जसुहत्थि, भयवं ! किमणारिएसु न हु मुणिणो । विहरंति तओ भणियं, गुरूहिँ जं ते न याणंति ॥ ३७२ ॥ साहूण समायारं, तओ न निव्वहइ संजमो तेसु । जइ एवं तो संपइ, पेसेउं साहुणो तत्थ || ३७३॥ नियह सरूवं तेसिं, निवोवरोहेण तह कयं गुरुणा । रन्नो बलाहिगत्ति य, साहूण वि दिति सुद्धन्नं ॥ ३७४ ॥ सम्म कमेण केणइ, जणवइअद्धं च आरियं जायं । अह अन्नया नरिंदो, सुमरेउं पुव्वरंकत्तं ॥ ३७५॥ चउसु.वि पुरदारेसुं, कारेइ महंतदाणसालाओ । अवगणियसपरभावं, दिज्जइ तासु वि महादाणं ॥ ३७६ ॥ उव्वरियं असणाई, तासु वि गिन्हंति जं महाणसिया । तं मुलं दाऊणं, मुणीण वियरावए राया ॥ ३७७॥ जावंतियं ति जम्हा, न दाणसालासु कप्पर मुणीण । कप्पइ विसुद्धकोडी, तेण महाणसियहत्थाओं ॥ ३७८ ॥ छन्नं मुल्लं दाडं, जाणंति न साहुणो इय नरिंदो । अन्नं पि हु नेसत्थिय- कंदोइयदोसियप्पमुहं ॥ ३७९॥ लोयं भणे जह मुणि-वराण दिज्जह जहिच्छियं तुब्भे । दिन्नस्स पुणो मुल्लं, मग्गिज्जह मज्झ पासम्मि ॥ ३८० ॥ एवं जणो पयट्टो, गिन्हंति तहेव साहुणो तं च । जाणंतो वि हु एयं, अत्थं सिरिअज्जसुहत्थिगुरू ॥३८१॥ सीसाणुरागओ न हि, निवारए अह कयाइ तं नाउं । अज्जमहागिरिसूरी, अज्जसुहत्थि उवालभइ ॥ ३८२॥ जाणतो वि हु (न) अज्जो, किं एयमणेसणं निवारेसि ? | सो भइ जणो राया - णुवत्तिओ धम्मिओ जाओ ||३८३|| सयमेव देइ दाणं, का इत्थमणेसण त्ति तो सूरी । माइत्ति एस कुविओ, पभणइ अज्जो ! अओ भई ॥ ३८४॥
For Private & Personal Use Only
www.jainelibrary.org
