________________
१२१
5
10
पञ्चमं सद्धर्मदायकद्वारम्
अन्ने ठाणठिया वि हु , उववूहणमित्तओ वि कारविया । जिणचेईहरनिम्मा-वणाइसद्धम्मपडिवत्तिं ॥३५९॥ उज्जेणीए विहिया, महाविभूईइ तेण रहजत्ता । सिरिअज्जसुहत्थीणं, गुरूवएसाणासुरेणं" ॥३६०॥ तो सव्वे सामंता, भणिया जइ सामियं ममं मुणह । ता नियनियदेसेसुं , कारिज्जह एवमेव सया ॥३६१॥ अत्थेण मह न कज्जं, इय भणिए ते तह त्ति कुव्वंति । नो मइकप्पियमेयं, निसीहमज्झे जओ भणियं ॥३६२॥ जइ मं मन्नह सामि, समणाणं पणमहासुविहियाणं । दव्वेण मे न कज्जं, एवं खु पियं कुणह मज्झं ॥३६३॥ वीसज्जिया य तेणं, गमणं घोसावणं सरज्जेसु । साहूण सुहविहारा, जाया पच्चंतिया देसा ॥३६४॥ अणुजाणं अणुजाई, पुप्फारुहणाइँ उक्किरणगाई । पूयं च चेइयाणं, ते वि सरज्जेसु कारंति॥३६५॥ अह अन्नदिणे पच्छिम-निसाइ चिंता निवस्स संजाया । जह धम्मम्मि अणारिय-लोयं सव्वं पयट्टेमि ॥३६६॥ ता साहुसामायारं, निउणं सिक्खाविउं बहू पुरिसे । पेसइ अणज्जदेसेसु , विहियनीसेसमुणिवेसे ॥३६७॥ भणिओ अणारियजणो, जह जह एए करं विमग्गंति । तह तह दिज्जसु तुब्भे, एवं चिय मह पियं होइ ॥३६८|| इय तेहि वि पडिवन्नं, ते मुणिवररूवधारिणो पुरिसा । मग्गंति ताण पासे, सुद्धं बायालदोसेहिं ॥३६९॥ वत्थं पाणं वसहिं, भत्तं भेसज्जमाइ-अन्नं पि । पादति सिक्खवंति य, जिणवंदणपूयणाईयं ॥३७०॥ एवं कयंमि तूसइ, अम्हं राय त्ति ते वि तं सव्वं । तह चेव कुणंति तओ, सिरिसंपइनरवई नमिउं ॥३७१।।
15
20
25
Jain Education International 2010_02
For Private & Personal Use Only
www.jainelibrary.org
