________________
११८
10
श्रीधर्मविधिप्रकरणम् तब्भज्जा सरयसिरी, तीसे गब्भम्मि सो दमगजीवो । अज्जसुहत्थिसगासे, गहियवओ मरिय उप्पन्नो ॥३२०॥ अह तीसे डोहलओ, जाओ भरिएसु दोसु मासेसु । जिणसाहुपूअणम्मी, जहसत्तिं पूरिओ सो वि ॥३२१॥ अह पुन्नेसु दिणेसु , सरयसिरी पसवए सुय पवरं । तो चिंतेइ कुणालो, संपइ गिन्हामि रज्जं ति ॥३२२॥ सावक्कवमायाए, मणोरहे हं करेमि विहले य । तो गंतुं गामाओ, हिंडइ अन्नायचरियाए ॥३२३॥ पत्तो पाडलिपुत्तं, भमेइ सचिवाइयाण गेहेसु । रंजइ सयलं नयरं, लोओ वि य जंपए एवं ॥३२४॥ पच्चन्नवेसधारी, हाहाहहूण को वि अन्नयरो । एसो किं वा सयमिह, समागओ तुंबरो नूणं ॥३२५॥ किं वा गंधव्वेसो, किं वा वि हु किंनरो नरो एसो । एवं जंपंताणं, लोयाणं रायपासम्मि ।।३२६॥ संजाओ उल्लावो, कोऊहलपूरिएण तो रन्ना । हक्कारिओ कुमारो, गायइ अह जवणियंतरिओ ॥३२७॥ गायंतेण य तेण य, अहियं आवज्जिओ धरणिनाहो । भणइ वरं वरसु तुमं, गंधव्विय ! दिज्जए जेण ॥३२८।। अह मग्गइ दिन्नवरो, असोगसिरिपत्थिवेण तुटेण । गायंतो महुरसरं, कुणालकुमरो इमं अत्थं ॥३२९॥ सिरिचंदगुत्तरन्नो, पडिपुत्तो बिंदुसारनत्तूओ। पुत्तो असोगसिरिणो, अंधो जाएइ कागिणियं ॥३३०॥ अह रन्ना विन्नाओ, पुत्तो मह एस नेहविहुरेण । जवणियमवणेऊणं, निवेसिओ निययउच्छंगे ॥३३१॥ वच्छ ! किमप्पं मग्गसि, तो मंती भणइ देव ! अइबहुयं । कागिणीसद्देण जओ, भन्नइ रायाण रज्जं ति ॥३३२।।
15
25
Jain Education International 2010_02
For Private & Personal Use Only
www.jainelibrary.org
