________________
११७
पञ्चमं सद्धर्मदायकद्वारम्
कज्जंतरम्मि लिहिए , कुमरं सुणिऊण पढणसिढिलं ति । रन्ना सचिवस्स इमं, लिहियं लेहस्स मज्झम्मि ॥३०७॥ तथा लेलिख्यतेऽन्यच्च, ममादेशाद्विशेषतः । अधीयतां कुमारोऽसौ, कुणाल: सचिव ! त्वया ॥३०८॥ इय लिहिऊणं पडिवाइउं च, लेहं तहिं मुत्तूणं । राया असोगचंदो, समुट्ठिओ देहचिंताए ॥३०९॥ सावक्का सुयजणणी, पासत्था गहिय वायए लेहं । नियपुत्तरज्जलुद्वा, देइ अकारस्सुवरि बिंदुं ॥३१०॥ मुंचइ तहेव लेहं, जा पत्तो तत्थ पत्थिवो तत्तो । लेहं तहेव दटुं , मुद्दिय अप्पेइ पुरिसस्स ॥३११॥ सो वि हु उज्जेणीए , गंतूण समप्पए अमच्चस्स । जा वायइ ता दिटुं, कुमरो अंधीयतामेवं ॥३१२॥ अह कसिणमुहो मंती, तुन्हिक्को पुच्छिओ कुमारेण । जा न कहइ लेहत्थं, ता घित्तुं वायइ सयं पि ॥३१३॥ पिक्खइ नियपिउलिहियं, कुमरो अंधीयतामिमं वयणं । तो चिंतइ मह वंसे, अलंघणीया पियरआणा ॥३१४॥ जइ तायआणमहमवि, लंघेमि करिस्सई कहं अन्नो । तो नियतायपियमिमं, मए सयं चेव कायव्वं ॥३१५।। तत्तो तत्तसलायं, गिण्हिय अंजेइ दो वि अच्छीओ । सोउं च वइयरमिमं, चिंतइ सोगाउरो राया ॥३१६॥ "अन्नह परिचिंतिज्जइ, सहरिसकज्जुज्जुएण हियएण । परिणमइ अन्नह च्चिय, कज्जारंभो विहिवसेण" ॥३१७॥ अंधस्स नेव रज्जं ति, राइणा से कओ इगो गामो । दिन्ना सवक्किपुत्तस्स, कुमरभुत्तीइ उज्जेणी ॥३१८॥ अह सो कुणालकुमरो, गंधव्वकलाकलावकुसुलु त्ति । गंधव्वपसत्तु च्चिय, हिंडइ सव्वत्थ गायंतो ॥३१९॥
15
20
25
Jain Education International 2010_02
For Private & Personal Use Only
www.jainelibrary.org
