________________
१०७
पञ्चमं सद्धर्मदायकद्वारम्
नाऊणं तब्भावं, मज्झत्थो चेव संठिओ राया । पव्वयगो वि य पंचत्तमुवगओ वेयणकंतो ॥१७७॥ दोसु वि रज्जेसु तओ, जाए रायम्मि चंदगुत्तम्मि । नंदनिवस्स मणुस्सा, कुणंति निसिचोरियं नयरे ॥१७८।। तो चाणको पिक्खइ, किं पि नरं नयररक्खणसमत्थं । अन्नदिणे पत्तो नल-दामाभिहकोलियस्स गिहे ॥१७९॥ तस्स सुओ य रमंतो, डसिओ मक्कोडएहिँ तो तेण । तेसि बिलं खणिय तडे, कारीसं खिविय निद्दहियं ॥१८०॥ तं दटुं चाणक्को, पुररक्खखमो इमु त्ति चितेउं । निवपासे सद्दाविय, तं ठावइ नयरआरक्खं ॥१८१॥ तेण वि वीसासित्ता, भणिया सव्वे वि तक्करा रहसि । भो विलासह सिच्छाए , संपइ अम्हाण रज्जं ति ॥१८२॥ तेण य अन्नदिणे ते, सपुत्तदारा निमंतिया सव्वे । अह भोयणोवविठ्ठा, गेहं दहिऊण ते दड्ढा ॥१८३।। तत्तो पुरस्स सुत्थे, जाए चिंतइ पुणो वि चाणक्को । को आसि मह अभत्तो, तो सरियं पुव्वनियचरियं ॥१८४॥ जं महकप्पडियत्ते, एगो गामो अदिन्नभिक्खु ति । रुट्ठो खुद्दाएसं, पेसइ तग्गामवासीणं ॥१८५॥ चिट्ठति तुम्ह गामे, चउद्दिसिं अंबगा य वंसा य । छित्तूण अंबगवणे, वंसाणं कुणह वाडिं ति ॥१८६।। तो तेहिं नियबुद्धीइ, अंबगा रायरक्खणीय त्ति । चिंतिय वंसे छित्तुं, वाडि अंबाण कारिति ॥१८७॥ विवरीयवयणकरणे, तं छिदं गिन्हिऊण चाणक्को । गामं सबालवुटुं, पिलीवए पिहियदाराणि ॥१८८।। तत्तो तं चाणक्को, नियभज्जं आणए पयंपइ य । तुज्झ कए एस मए, रज्जस्स उवक्कमो विहिओ ॥१८९॥
15
25
Jain Education International 2010_02
For Private & Personal Use Only
www.jainelibrary.org