________________
१०६
श्रीधर्मविधिप्रकरणम् अह चंदगुत्तनिवरह-मारुहमाणीइ तीइ नव अरगा । भग्गाओ अवसउणु त्ति, वारिया चंदगुत्तेण ॥१६४|| चाणक्को भणइ इमं, मा वारसु जेण उत्तमो सउणो । होही नवपुरिसजुगे, तुह रज्जं इत्थ नयरम्मि ॥१६५।। तं रहमारोहाविय, चाणक्को भणइ नंद ! निसुणेसु । पुन्ना मज्झ पइन्ना, एसा छोडिज्जइ सिह त्ति ॥१६६।। अह निग्गयम्मि नंदे, ते वि पविट्ठा पुरस्स मज्झम्मि । दोहिं विभागेहिं, कयरज्जं अन्नं पि एएहि ॥१६७॥ तीए पुण कन्नाए, उवरि दुन्हं पि अत्थि अणुराओ । चाणको रिउकन्नं ति, अप्पए पव्वयगरन्नो ॥१६८।। जंपइ य चंदगुत्तं, अप्पसु नियजिट्ठभाउणो एयं । तेण तह त्ति पवन्ने, आढवई तस्स वीवाहं ॥१६९॥ उब्भविया वरवेई, जा ठवियं जलणकुंडमइरम्मं । ता मंगल तूररवो, उच्छलिओ विसमसद्देण ॥१७०॥ पज्जालिओ य जलणो, घयमहुसित्तो वि विसमजालिल्लो । लाइंजलीउ खित्ता, जोइसिएणं खलंतेणं ॥१७१॥ अंधारियं च गयणं, तमालदलसामलेण धूमेण । इत्थंतरम्मि गहिओ, कन्नाइ करो नरिंदेण ॥१७२॥ होमग्गितावउब्भव-कन्नापस्सेयसंगमेण तओ। संकमिय तस्स विसं तयविसअहिफंसणेणं व ॥१७३॥ विसवेगभावियंगो, पव्वयगो जंपए इमं वयणं । हा भाय ! भायवच्छल ! मरिज्जए चंदगुत्त ! त्ति ।।१७४।। अह विसवेगं नाउं, उजावेमि त्ति चंदगुत्तनिवो । जा आणवेइ पुरिसे, तो चाणक्केण भणियमिमं ॥१७५॥ तुल्यार्थं तुल्यसम्बन्धं, मर्मज्ञं व्यवसायिनम् । अर्द्धराज्यहरं मित्रं, यो न हन्यात् स हन्यते ॥१७६॥
25
Jain Education International 2010_02
For Private & Personal Use Only
www.jainelibrary.org
