________________
१०३
10
पञ्चमं सद्धर्मदायकद्वारम्
ता तस्सेव खग्गं, भिउडाओ गिन्हिऊण चाणक्को । झत्ति असवारसीसं, छिदेई केलिथंभं व ॥१२५॥ सद्दे वि चंदगुत्तं, तुरंगमे तम्मि दो वि चडिऊण । करगहियजीविया इव, चलिया वेगेण एगदिसिं ॥१२६॥ अह परिसंतो सो वि हु , तुरंगमो तेहिं उज्झिओ मग्गे । अह वच्चंतो पुच्छइ, चाणक्को चंदगुत्तमिमं ॥१२७॥ किं चिंतिय तया रे, जं वेलं दंसिओ मए तस्स । सो भणइ रज्जं, एवं अज्जेण दि, ति ॥१२८॥ न य गुरुवयणवियारो, जुज्जइ सुकुलुब्भवाण पुरिसाण । जं सव्वभावनिउणा, कज्जं ते चेव जाणंति ॥१२९॥ तो नायं जह जुग्गो, एसो न कहं पि विहडए मज्झ । इत्तो य चंदगुत्तो, न तरइ चलिउं छुहक्कंतो ॥१३०॥ तं मुत्तुं वणगहणे, भत्तटुं जाव जाइ चाणक्को । ता गामस्स पवेसे, तक्खणभुत्तो दिओ मिलिओ ॥१३१॥ तं पुच्छइ चाणक्को, कस्स वि गेहम्मि लग्गए पाली । स भणइ एगम्मि गिहे, लहंति भत्तं दिया अज्ज ॥१३२॥ लब्भइ कूरकरंबो, निप्पन्नो तत्थ सतरदहिएणं । अवगणियसत्तुमित्तं, ता जाहि तुमं पि तत्थेव ॥१३३॥ अइभत्तो सो दाया, भत्तं भदाण देइ सविसेसं । इन्हि चिय तग्गेहे, अहमवि भुत्तं समायाओ ॥१३४॥ मं गाममज्झपत्तं, मुणिही को वि त्ति चिंतिउं सहसा । चाणक्को कोहंडी-फलं व फाडेइ तस्सुदरं ॥१३५।। अह कड्डिउं करंबं, नवघडयाउ व्व तस्स उयराउ । पुडयम्मि खिविय गंतुं च, चंदगुत्तं जिमावेइ ॥१३६॥ एवं सत्थसरीरं, कुमरं काऊण पड्ढाया दो वि । एगम्मि संनिवेसे, संपता संज्झसमयम्मि ॥१३७।।
___15
25
Jain Education International 2010_02
For Private & Personal Use Only
www.jainelibrary.org
