________________
१०२
10
श्रीधर्मविधिप्रकरणम् ठावेइ चंदगुत्तं, राया णं तहय मंतिमप्पाणं । तो नियबलेण गंतुं , रोहेई पाडलीपुत्तं ॥११२॥ नंदो वि सव्वसामग्गि-संगओ नीहरेइ नयराओ । मंदरगिरि व्व जलहिं, गाहइ परचक्कदलनिवहं ॥११३॥ अह नंदसिन्नपहया, सेणा चाणक्क-चंदगुत्ताणं । अब्भावलि व्व पवणेण, पिल्लिया विहडिया झत्ति ॥११४॥ अह नियसिन्नं भग्गं, दट्टणं चंदगुत्त-चाणक्का । जच्चतुरंगारूढा , नट्ठा एगं दिसिं घित्तुं ॥११५।। जाव य नियंति पच्छा, ता ते पिच्छंति पिट्टओ लग्गे । धावते असवारे , ता मुत्तु तुरंगमे नट्ठा ॥११६।। चडिया सरवरपालिं, ति जाव पिच्छंति पिट्ठओ ताव । एगं सुहडं आसन्न-मागयं तुरयमारूढं ॥११७।। अह नंदरायरयगो, सरतीरे चीरधोवणासत्तो । भणिओ चाणक्केणं, रे ! रे ! दूरं पलाएसु ॥११८॥ भग्गं पाडलिपुत्तं, घिप्पंति य नंदपक्खिया हत्थे । तं आयन्निय रयगो, नट्ठो वेगेण हरिणु व्व ॥११९॥ गोवे वि चंदगुत्तं, पउमिणिसंडे सयं तु चाणक्को । रयगट्ठाणठिओ सो, वत्थाई धोविउं लग्गो ॥१२०॥ अह पत्तो असवारो, पुच्छइ भो रयग ! कत्थ वि कहेसु । चाणक्क-चंदगुत्ता, स भणइ नत्थि त्थ चाणक्को ॥१२१॥ चिट्ठेइ चंदगुत्तो, इमस्स मज्झम्मि पउमसंडस्स । अह आह आसवारो, तुरगं साहेसु भो रयग ! ॥१२२॥ अह तं जंपइ रयगो, वग्घाओ इव हयाउ बीहेमि । तो रुक्खम्मि तुरंगं, बंधेई नियउवायं व ॥१२३॥ मुत्तूण तुरगभिउडे, खग्गं पिट्ठम्मि उत्तरीयं च । जलपविसणत्थमेसो, उत्तारइ मुज्झए जाव ॥१२४।।
15
25
Jain Education International 2010_02
For Private & Personal Use Only
www.jainelibrary.org
