________________
चतुर्थं धर्मदोषद्वारम्
इत्थंतरंमि सिट्ठी वि, नंदमणियारनामओ तत्थ । तेहिँ समं गिहिधम्मं, पडिवज्जइ सामिपासम्म ॥९७॥ सामी वि भणइ भव्वा, गिहिधम्मतरू वि पालिओ एसो । अइयारदोसहिमदाह-रक्खिओ बहुफलं जणिही ॥९८॥ अह पणमिऊण सामिं, सेणियराया गओ नियावासं । संपत्तनिहाणो इव, साणंदो नंदसिट्ठी वि ॥९९॥ तो अंतररिउतिमिरं, नासंतो वद्धमाणजिणचंदो । विहरइ अन्नत्थ पुरे, बोहंतो भवियकुमुयाहं ॥ १००॥ नंदमणियारसिट्ठी, तद्दियहाओ वि गहियगिहिधम्मो । बारसवयाइं पालइ, सम्मं सुयभणियनीईए ॥ १०१ ॥ अह वट्टते गिम्हे, फुरंतरवितावतावियजणोहे । नंदो पोसहसालाइ, गिन्हई पोसहं विहिणा ॥ १०२ ॥ कुणइ य उववासतिगं, चउव्विहाहारवज्जिओ सम्मं । सुहझाणलीणहियओ, सो अइवाहेइ दुन्नि दिणे ॥ १०३ ॥ तो वासरम्मि तइए, छुहापिवासाइ अहियमभिभूओ । जिणधम्मगिरिवराओ, पडिओ चितामहियलम्मि ॥ १०४ ॥ 'चितइति च्चिय धन्ना, जयम्मि ते पुन्नभायणं मणुया । सलहिज्ज तेसि धणं, जलासए जे करावंति ॥ १०५ ॥ केसिं चिय धन्नाणं, दीसंति महीइ विउलवावीओ । निम्मलजलपुन्नाओ, पुन्नधणाणं निहिसरिच्छा ॥१०६॥ जासु पिवासासु सिओ, लोओ पाऊण सीयलं सलिलं । सत्थतणू आसीसं, वाविपहूणं पयंपेइ ॥ १०७॥ ते वि कयत्था जेसिं, पवाओ दीसंति रायमग्गेसु । जणणीउ व्व हियाओ, पहियाणं सुपयदाणेण ॥ १०८ ॥ कित्तणीयचरिया, जियलोए जेसि सरवरेसु सया । दुपयचउप्पयपक्खी, जलयरजीवा पियंति जलं ॥ १०९॥
For Private & Personal Use Only
Jain Education International 2010_02
८३
5
10
15
20
25
www.jainelibrary.org
