________________
चतुर्थं धर्मदोषद्वारम्
कम्म परिणामनिवई वि, एरिसं पिक्खिऊण सुयचरियं । होइ मणे संतुट्ठो, दुट्ठाणं एरिसा पगई ॥७१॥ नवरं सो अणुकूलो, जइ होइ जियाण तक्खणेणावि । पुत्ताइए निवारइ, जं ते विरमंति पहुभणिया ॥७२॥ भवचक्कपुरत्थं पि ह , केलिकए तं जणं विडंबंति । निच्चं नवनवरीईइ, जीइलोओ न लज्जेइ ॥७३॥ तो केवि जणा तेसिं, निम्विन्ना नासिऊण धीरमणा । चडिउं विवेयसेले, विसंति चारित्तनिवनयरे ॥७४॥ तो चारित्तनरिंदो, ते रक्खइ सरमागए लोए । जुग्गत्तपमाणेण य, अप्पेई वासठाणाणि ॥७५॥ तस्स य बहवे सुरलोग-पाडया संति जेसु पुन्नधणं । विलसिज्जइ सुक्खेणं, जिएण कालं कियंतं पि ॥७६॥ पुव्वज्जियम्मि भुत्ते, पुन्नवणे तत्थ लब्भइ न वासो । अहिणवउप्पत्ती पुण, न होइ ठाणप्पभावेण ॥७७॥ तत्थ वि भमंति बहवे, मोहभडा तेहिं तुट्टपुन्नधणा । वीसासिऊण पुणरवि, भवचक्कपुरम्म निजंति ॥७८॥ तत्थ गया जे मूढा, कयत्थणं ते पुणो वि पावंति । जे धीरा ते नासिय, तहेव चारित्तनिवर्मिति ॥७९॥ तो चारित्तनिवो वि हु , आगमजोइसियवयणओ तेसिं । सब्भावमविहडं जाणि-ऊण तं खिवइ सिद्धिपुरे ॥८०॥ सा पुण विवेयगिरिणो, उवरिमचूलाइ अस्थि सिद्धिपुरी । जीए पत्तो जीवो, खणेण अखओ हवइ सिद्धो ॥८१॥ जत्थ य न जरामरण, न रोगसोगा न ईसरदरिदं । न वि संजोगविओगा, न सामिदासा न छुहतन्हा ॥४२॥ इच्चाई अन्नं पि हु , न जत्थ दुहठाणकारणं किं पि । किंतु सया सुक्खामय-कुंडे निबुड्डो जिओ तत्थ ॥८३॥
15
___20
25
Jain Education International 2010_02
For Private & Personal Use Only
www.jainelibrary.org
