________________
श्रीधर्मविधिप्रकरणम् चारित्तरायतवभड-पमुहा सव्वे वि तं च झायंति । तज्झाणपभावेण य, हवंति सफला सयारम्भा ॥५८॥ अह चारित्तनिवस्स य, लहुभाया तत्थ अस्थि गिहिधम्मो । सो रज्जकज्जअखमो, न लेइ दिन्नं पि कुमरत्तं ॥५९॥ तत्तो सो परतीरे, पल्लिं काऊण धम्मसद्धं ति । नियपरिगहं गहेडं, रहिओ नियभाउआणाए ॥६०॥ कारावइ किसिकम्म, दाणमई तस्स कम्मठाणीओ। सत्तसु खित्तेसु सया, लाहकए ववइ बीयाइं ॥६१॥ एवं ठिओ वि चायं, पभावणा भट्टिणीइ सो देइ । तेण पसिद्धि पत्तो, पसिद्धिमूलं जाओ चाओ ॥१२॥ सो मोहनरिंदस्स वि, किं पि कर देइ बंधुपच्छन्नं । नवरं असच्चसंधो, सो तेण वि सह कुणइ वेरं ॥६३॥ पेसइ ते नियसुहडे, पल्लीए तीइ बंदिगहणकए । आगंतूणं ते वि हु, छलेण गिन्हंति बंदाई ॥६४॥ तत्तो गुरूवएसो, आरक्खो ताण धावए पिढेि । बंदाणं मोयावण-कए तओ ते वि जुज्झंति ॥६५॥ तो चारित्तनरिंदो, पडिग्गहं तलवरस्स पेसेइ । तेण य ते मोहभडा, ताडिज्जंती अणाह व्व ॥६६॥ तत्तो मोहनिवो तं, मणे धरतो विसेसओ वयरं । चारित्तनरिंदस्स वि, बंदाइं गिन्हइ कया वि ॥६७॥ अह गिन्हिण ताई, खिवेइ विउलासु नरयगुत्तीसु । जासु न सक्कइ गंतुं , सया वि चारित्तनरनाहो ॥६८॥ नियनयरवासिलोयं, सो मोहो तासु निक्खिवइ किं पि । तं पि कयत्थइ बहुहा, जं केली एरिसा तस्स ॥६९॥ नाणावरणाईओ, तब्बंधुजणो तहा परियणो वि । जंतुकयत्थणकीलाइ, मन्नए सुहियमप्पाणं ॥७०॥
25
Jain Education International 2010_02
For Private & Personal Use Only
www.jainelibrary.org
