________________
७९
चतुर्थं धर्मदोषद्वारम्
अच्चब्भुयरूवधरा, निम्मलचरिया तिलोयहियजणणी । नियनाहपाणभूया, जीवदया नाम से देवी ॥४५॥ सम्मत्तनामओ से, मंती नियसामिकज्जउज्जुत्तो । कज्जाकज्जविहिन्नू , रक्खेई भव्वजणपीडं ॥४६॥ सुहडा य तस्स बहवे, सयावि पहुपायसेवणासत्ता । रिउभुवणेसु वि जेसिं, जाणिज्जइ पयडभडवाओ ॥४७॥ तेसिं पहाणभूओ, तवसुहडो नाम असममाहप्पो । जस्स मुहदसणेण वि, खिज्जइ भज्जइ य मयणभडो ॥४८॥ एगागिणा वि जेणं, निरविक्खेणं विचित्तचरिएणं । कम्मपरिणामसिन्नं, अणेगहा चूरियं सयलं ॥४९॥ अन्नो य तस्स सुहडो, उवसमनामो सया अदूरत्थो । जो कोहजोहजगडिय-भवियजणं मोयइ खणेण ॥५०॥ अवरो य विणयनामो, तब्भत्तो पत्तसामिसम्माणो । जो माणभडं लूडिय, अप्पवसं तिहुयणं कुणइ ॥५१॥ संतोसनामओ से, अवरभडो जस्स नाममंतेण । पहओ लोहपिसाओ नासइ दूरेण चोरु व्व ॥५२॥ अन्ने वि तस्स सुहडा, निक्किंचणबंभनाममाईया । चिटुंति जेसि भयओ, न सुयइ निदाइरिउवग्गो ॥५३॥ भिक्खापिंडभिहाणो, तस्स य भंडारिओ पइदिणं पि । कप्पदुमु व्व पूरइ, निरंतरं कप्पिए अत्थे ॥५४॥ दो चमरधारिणीओ, तस्स पसिद्धाउ निम्ममा पढमा । जा नियपहुणो कज्जे, तणतुल्ले गणइ पियरे वि ॥५५॥ बीया य सच्चभासा, सया वि नियसामिपासकयवासा । जा जलणविसहराई, थंभेई मंतसत्ति व्व ॥५६॥ तस्स गिहे पूइज्जइ, भावणनामा सयावि कुलदेवी । जातेण तब्बलेण य, समं भमंती कुणइ रक्खं ॥५७॥
20
25
Jain Education International 2010_02
For Private & Personal Use Only
www.jainelibrary.org
