________________
७८
श्रीधर्मविधिप्रकरणम् अन्ने वि तस्स सुहडा, निब्बूढपरक्कमा अइबलिट्ठा । तक्कज्जकरणनिरया, भमंति इह पडिसरीरम्मि ॥३२॥ तेसिं पढमो मयणो, कुसुमधणू भीरुपरिकरोऽणंगो । जस्स भएण व भीमो, दुग्गासंगी पिणागी वि ॥३३॥ जो इंदाई देवे, दासे इव गणइ निययसत्तीए । एगागी वि पहुत्तं, जो पालइ पंचविसयाण ॥३४॥ अन्नो य कोहनामा, सुहडो तस्स त्थि जस्स आणाए । मारेइ जणो बंधुं पि, भंजए दुक्करवयं पि ॥३५॥ अन्नो माणभिहाणो, जस्साएसेण सेलथंभु व्व । कहमवि न नमेइ जणो, पियराण वि निठुरत्तेण ॥३६॥ लोहाभिहो य अवरो, जस्सुदए साइणिव्व एस जणो । मारेइ वल्लहं पि हु, कज्जाकज्जं अचिंतंतो ॥३७॥ दासी य तस्स एगा, माया नामेण सुहडसमवित्ती । जा वीसासियलोयं, मारावइ सामिहत्थेण ॥३८॥ अवरा वि तस्स रज्जे, बहु मन्निज्जइ कुवासणा नाम । जा पढमं लोयाणं, भिंदइ हिययाइँ भल्लि व्व ॥३९॥ इच्चाइणो अणेगे, सुहडा चिट्ठति तस्स आणकरा । जेहिं सह मोहराओ, विजियभओ भमइ तिजए वि ॥४०॥ इय तम्मि जवनरिंदे, धवले इव खिवियरज्जधुरभारं । कम्मपरिणामनिवई, भवचक्कपुरे कुणइ रज्जं ॥४१॥ इत्तो य तम्मि नयरे, अस्थि विवेओ त्ति गिरिवरो तुगो । गयणग्गलग्गसिहरो, दुग्गमो कायरनरेहि ॥४२॥ तस्स नियंबे चिट्ठइ, जिणधम्मपुरं समिद्धभव्वजणं । जंमि सुगुरूवएसो, आरक्खो रक्खइ पमायं ॥४३॥ तं परिपालइ सम्मं, चारित्तनरेसरो तिजयपुज्जो । जिणवयणरायतणओ, अंतररिउनिवहनिद्दलणो ॥४४॥
15
25
Jain Education International 2010_02
For Private & Personal Use Only
www.jainelibrary.org
