________________
७७
10
चतुर्थं धर्मदोषद्वारम्
को सो चारित्तनिवो, सुपरिचिओ को य कम्मपरिणामो । इय एगो वि वियप्पो, जणाण जाओ अणेगाण ॥१९॥ तो सयलसंसयन्नू , भणइ जिणिंदो सुणेह भो भविया ! । कम्मपरिणामचारित्त-नामनिवईण संबंधं ॥२०॥ "अस्थि बहुदीवपायार-वेढियं जलहिखाइयाकलियं । चउगइचउदारजुयं, नयरं भवचक्कनामेणं ॥२१॥ सयलपुररक्खणखमो, कुग्गाहो नाम जत्थ आरक्खो । जो निब्भओ मुसावइ, पमायचोरेहि परलोयं ॥२२॥ अखलियपयावपसरो, राया तत्थ त्थि कम्मपरिणामो । तं पालइ भुवमत्तय-जणं कुणंतो सया सवसं ॥२३॥ जो तुट्ठो इंदाण वि, रज्ज-सग्गम्मि देइ लीलाए । रुट्ठो पुण उद्दालइ, खणेण तेसि पि सो चेव ॥२४॥ उलंघिऊण वट्टइ, सयावि जो सयलनीइसत्थाई । जं सामत्थं अणवि-क्खिऊण लोयं स दंडेइ ॥२५॥ तस्स य पहाणभज्जा, अणाइभवसंतइ त्ति नामेण । जीसे संगमलोलो, खणं पि न खमेइ विरहमिमो ॥२६॥ नाणावरणो दंसण-वेयणिओ मोहआउओ नामो । गुत्तो य अंतराओ, इय नामा तस्स अट्ठ सुया ॥२७॥ अह सव्वेसि वि अहियं, परक्कम पिक्खिऊण मोहस्स । पिउणा सो संठविओ, जुवरायपए सहत्थेण ॥२८॥ जीवंते वि हु जणए, संतेसु वि बंधवेसु जिढेसु । सवसीयकयतिजएणं, मोहेण वियंभियं रज्जं ॥२९॥ मोहस्स वसाइत्तो, नियसामत्थेण जगडियजणोहो । सेणावई पसिद्धो, कुबोहनामा सयासन्नो ॥३०॥ अह तेण संगओ सो, लोयं संतावए कचरिएण । पवणसहाउ व्व सिही, गिम्हगओ वा सहसकिरणो ॥३१॥
15
20
25
Jain Education International 2010_02
For Private & Personal Use Only
www.jainelibrary.org
