________________
७६
10
श्रीधर्मविधिप्रकरणम् उज्जाणपालएहिं, निवेइयं नरवरस्स तक्कालं । सिरिवीरजिणागमणं, पमोयवल्लीजलयतुल्लं ॥६॥ तो आसणाउ उट्ठिय, सत्तट्ठपयाइ सम्मुहं गंतुं । पचंगं पणिवायं, काउं सक्कत्थयं भणइ ॥७॥ अह आसणे निसन्नो, सो पडिहारं समाइसइ एवं । आणवसु नयरलोयं, झत्ति तुमं मज्झ वयणेण ॥८॥ सिरिवद्धमाणपहुपय-नमंसणत्थं नरेसरो अहुणा । गुणसिलयचेइयम्मी, गमिस्सई गुरुविभुईए ॥९॥ ता नियनियरिद्धीए, तेण समं एउ नयरलोओ वि । इय आएसं पहुणो, पडिहारो कुणइ तह चेव ॥१०॥ वज्जिरविविहाउज्जो, पढंतवंदियणसद्दपुन्ननहो । मत्तगइंदारूढो, अह सेणियनरवई चलिओ ॥११॥ अंतेउरपुरजणपरियरेण, अणुगम्ममाणमग्गो सो । महईए विभुईए, समागओ समवसरणम्मि ॥१२॥ पंचविहाभिगमेणं, मुत्तूणं मउडछत्तचिंधाइं । उल्लसिरबहुलपुलओ, संपत्तो सामिपासम्मि ॥१३।। तिपयाहिणी करेउं, सामि नमिऊण गणहरिंदे वि । उवविठ्ठो जिणपुरओ, सुनिच्चलो चित्तलिहिउ व्व ॥१४॥ अह सेणिएण सद्धिं, पत्तो सिट्ठी वि नंदमणियारो । पणमियसिरिवीरपए, उवविट्ठो सो वि तप्पासे ॥१५॥ इत्थंतरम्मि सामी, वीरजिणो अमरनरतिरिक्खाण । साहारणवाणीए, पयच्छई एवमुवएसं ॥१६॥ “भो ! भो ! देवाणुपिया !, भीमे भवकाणणे परिभमंता । दुहादावानलतत्ता, जइ वंछह सासयं ठाणं ॥१७॥ ता चारित्तनरेसर-सरणं पविसेह सासयसुहट्ठा । चिरपरिचियं पि मुत्तूण, कम्मपरिणामनिवसेवं ॥१८॥
15
20
25
Jain Education International 2010_02
For Private & Personal Use Only
www.jainelibrary.org