________________
तृतीयं धर्मगुणद्वारम्
विन्नवइ सो वि सामिय !, इत्थत्थे कारणं तुह पसाओ । अन्नह तेसिं सहणे, केरिसओ हं वराउ त्ति ॥ १६३॥
आह पहू भद्द ! तुमं, धन्नो तिन्नो स भवपहजलहिं । जं एरिसा पवित्ती, तुह निग्गंथे पवयणम्मि ॥ १६४ ॥ इय सामिणा सयं चिय, सभासमक्खं पसंसिो संतो । संपत्तो नियगेहे, परमाणंदेण सह स गिही ॥१६५॥ अह आह वीरनाहो, आमंतीय साहुसाहुणीवग्गं । अणुसकिए एवं, वाणी अमयमहुराए || १६६॥ "हंहो देवाणुप्पिय !, तिणमिव नियजीवियं गणतेण । सहिया दिव्वुवसग्गा, विहिणा गिहिणा वि जं एवं ॥१६७॥ ता तत्तभाविएहिं तुब्भेहिँ विसेसओ सहेयव्वा । ते हि वितं पडिवन्नं, सम्मं सिरिवीरजिणवयणं" ॥१६८॥ "अह कामदेवसड्डो, भावंतो भावणाहिं अप्पाणं । उव्वहइ अयलसत्तो, सप्पडिमाओ विसेसाओ ॥१६९॥ पडिमातवेहिँ तेहिं, विहिएहिँ निरंतरं निरीहेहिं । अच्वंतं संपत्तो, तणुणा चम्मद्विसेत्तं ॥ १७० ॥। तो सावयपज्जायं, वीसं वरिसाइँ पाल्लिऊण इमो । सव्वाइयाररहिओ, अंते संलेहणं कुणइ ॥ १७१ ॥ आलोइयपडिक्कंतो, स महप्पा पावपंकपरिक्को । मासेण समाहीए, कालविऊ कुणइ कालं च ॥ १७२ ॥ तो कामदेवसड्डी, सोहम्मे पढमदेवलोगम्मि । अरुणाभम्मि विमाणे, जाओ देवो महिड्डीओ ॥१७३॥ तत्थ य सुराण रिद्धि, भुत्तुं पलिओवमाणि चत्तारि । आउक्खयम्मि चविडं, उप्पज्जिस्सइ विदेहम्मि ॥१७४॥ तत्थुप्पन्नो लद्धूण, संजमं सयलकम्मपरिक्को । पाविस्सइ मुत्तिवहू-संगमसुक्खाण सो उदयं ॥१७५॥
For Private & Personal Use Only
Jain Education International 2010_02
"
७३
5
10
15
20
25
www.jainelibrary.org
