________________
७१
5
10
तृतीयं धर्मगुणद्वारम्
तो गाढं दाढाहिं, तं सव्वंगेसु डसइ छुहिउ व्व । तह उग्गिरइ मुहेणं, खलु व्व दुव्वयणगरलाइं ॥१३७।। अह कामदेवसड्ढो, दृढव्वओ नेव चलइ झाणाओ । उवसग्गेणं इमिणा वि, तो सुरो चिंतइ मणम्मि ॥१३८॥ गिन्हिज्जइ पाएणं, जणे सिहंडी वि तइय उट्ठाणे । उवसग्गतिगेणा वि हु , एस मए चालिओ न पुणो" ॥१३९॥ तो रंजिओ स देवो, निम्मलसत्तेण कामदेवस्स । काऊण दिव्वरूवं, पुरओ होऊण तं भणइ ॥१४०॥ "धन्नो तुमं महप्पा !, कयकिच्चो अमलसत्तगुणकलिओ । तुह सहलं मणुयत्तं, सलहिज्जइ जीवियं च तहा ॥१४१॥ निग्गंथे पावयणे, इमम्मि जं एरिसं तुह दढत्तं । ता नूणं तुह (न हि)दूरे, रिद्धी सग्गापवग्गाणा ॥१४२॥ अह तं सक्कपसंसं, असदहाणं च अप्पणो कहिउं । चरणेसु तस्स निवडिय-तं खामइ तिगरणविसुद्धो ॥१४३॥ भणइ य देवाणुप्पिय !, सुपरिक्खियसत्तसद्दहा वि मए । तुह सक्को वि न सक्को, पारं लहिउं किमन्नयरो ॥१४४॥ एवं पुणो पुणो वि हु संथविओ(उ) पणमिउं च भत्तीए । तं चिय मणे धरंतो, सट्ठाणं सो सुरो पत्तो" ॥१४५।। अह जायमणुवसग्गं ति चिंतिउं कामदेवसड्डो वि । साणंदो संजाओ, बंधाओ मुक्कपुरिसु व्व ॥१४६॥ चितइ य अहं धन्नो, अज्ज चिय सलहणिज्जजम्मो हं। गाढोवसग्गसंगे वि, मह वयं जमिह नो भग्गं ॥१४७॥ अह संपुन्नपइन्नो, सो पारिय पोसहं पभायंसि । निसुणइ जिणआगमणं, ऊसवमिव ऊसवस्सुवरि ॥१४८॥ तत्तो हरिसियचित्तो, संपत्तो सामिसमवसरणम्मि । जं इट्ठजणुक्कंठा, सुदुद्धरा सिंधुपूरं व ॥१४९॥
15
20
25
Jain Education International 2010_02
For Private & Personal Use Only
www.jainelibrary.org
