________________
तृतीयं धर्मगुणद्वारम्
एगो वि हु झाणाओ, तमहं लीलाइ चालइस्सामि ।
जं सेलो वि सुरेहिं, चालिज्जइ किन्न परमाणू ? ॥ १११ ॥ इय भणिउं सग्गाओ, खणेण सो मच्छरी सुराहम्मो । चंपाए संपत्तो, जम्हा देवाण किं दूरं ? ॥ ११२ ॥ कूराहंकारधरो, सो देवो कामदेवक्खोहक | जाओ पिसायरूवो, कयंतमुत्ति व्व भयजणगो ॥ ११३ ॥ गोमुंडसरिससीसो, जलंतजलणाभकविलकेसचओ । सुप्पोवमसवणजुओ, परितावियतंबवन्नमुह ॥ ११४॥ भइरवचिप्पडनासो, तुरंगपुच्छाभकुच्चदुप्पिच्छो । लंबंतकरभउट्ठो, फालोवमदीहदंतिल्लो ॥११५॥ कुच्छलसमाणउयरो, हिमग्गिनिद्दउच्चतरुजंघो । थालीतलाभवन्नो, पच्चक्खो पावपुंजु व्व ॥ ११६॥ कन्नावलंबिनउलो, सरडेहिं विहियकंठआभरणो । मूसगनिम्मियमउडो, करचरणाबद्धअहिकडओ ॥११७॥ मेहु व्व विज्जुदंडं, सियकरवालं करेण भामंतो । पूरंतो बंभंडं, अइभेरव अट्टहासेण ॥११८॥ सहस त्ति समागंतुं, स कामदेवं भणइ रे पाव ! । तुह इंदजालियस्स व, को दंभाडंबरो एस ॥ ११९॥ जइ एयाइं वयाइँ, भंजेसि कयग्गहो न चेव तुमं । ता इमिणा खग्गेणं, झत्ति करिस्सामि सयखंडं ॥१२०॥ तत्तोपहारवेयण-विहुरियदेहो तुमं विगयसरणो । विलवंतो करुणसरं, मरेसिं रे अट्टज्झाणेण ॥१२१॥ तम्हा मुत्तूण इमं, पासंडं पणमिउं च मह चरणे । गच्छसु गिहम्मि सिग्घं, भुंजसु भोगे निरुव्विग्गो ॥१२२॥ इय तेण पिसाएणं, पयंपिओ कामदेवसड्डो वि । नो भीओ नो खभिओ तब्भासिय असवणाउ व्व ॥ १२३॥
Jain Education International 2010_02
For Private & Personal Use Only
६९
5
10
15
20
25
www.jainelibrary.org
