________________
विजयचंदचरियं सुरवरकयसंनिज्झो जंपइ हलिओ वि कोवपज्जलिओ । सयखंडं किं न गया जीहा एवं भणंताणं ॥६६।। जय पुण तुम्हे बहवे तह वि हु किं मज्झ कीरइ रणमि । सीहस्स किं व कीरइ बहुएहिं वि जंबुगसएहि ॥६७।। तो भणइ चंडसीहो नियपुरिसे कोहजलणपज्जलिओ । रे हणह इमं दुटुं तोडह जीहं च मूलाओ ॥६८।। तव्वयणाओ सुहडा घायपहारेहिं जाव पहरंते । ताव समुट्ठइ हलिओ पजलंतं तं हलं लेउं ॥६९।। तं दद्रुण पणट्ठा ते सव्वे सामिणो गया सरणं । चिंतंति सामिणो वि य किं एसो सुरवरो को वि ॥७०॥ तो ते मंचे मुत्तुं सव्वे वि य पत्थिवा समं तेण । वेढंति हलियपुरिसं सीहं पिव कुंजरा बहवे ॥७१।। कोहग्गिपज्जलंतो जलंतहलपहरणेण पहरंतो । बलभद्दो इव रेहइ एगागी समरमज्झमि ॥७२।। भिंदइ अरिकरिकुंभे हलग्गतिक्खंकुसेण सो धीरो । पहणेइ तुरयघट्टे चूरेइ य रेहवरे इक्को ॥७३|| बलदप्पमुव्वहंते सुहडे सव्वे वि अभिमुहावडिए । ताडइ हली हलेणं हुयवहजालं मुयंतेण ॥७४।। ते चंडसीहपमुहे सव्वे वि य पत्थिवा विचितंति । अम्ह विणासो एसो को वि कयंतु व्व उत्थरिओ ॥७५।।
१. संनिद्धो । २. कोह । ३. कह । ४. जइवि हु । ५. कोलुयसव्वेहिं । ६. जीयं । ७. पायपहारेहिं । ८. पहणंति । ९. चित्तुं । १०. सव्वे वि य । ११. ता । १२. मंतेऊणं । १३. गयवरा । १४. रहवरारूढो । १५. हुयवहुजालं । १६. पमुहा । १७. अवयरिओ।
Jain Education International 2010_02
For Private & Personal Use Only
www.jainelibrary.org
