________________
नैवेद्यपूजायां कथानकम् ॥
पभणेइ चंडसीहो को वि सुरो एस कोविओ हुज्जा । ता गंतृणं इण्हि उवसामिज्जउ पेणामेण ॥ ७६ ॥
एवंति पभणिऊणं सरणं सरणं ति देहि भणमाणा । गंतूण चलणजुयलं भीया पणमंति ते तस्स ॥७७॥ जंपंति य देव तुमं मोहविमूढेहिं अज्ज जं भेणियं । तं सव्वं खमियव्वं एस पणामो कओ तुम्ह ॥७८॥ जणणी जणओ तह बंधवा य कन्नाइ परियणो सव्वो । सैयणा वि य परितुट्ठा दट्ठूण चिट्ठियं तस्स ||७९ || पारद्धो वीवाहो कन्नाए सूरसेनरवइणा । परिणीया सा कन्ना हलिवइणा पत्थिवसमक्खं ॥८०॥ विहिओ तस्सऽभिसेओ नरिंदपट्टंमि नरवरिंदेहिं । भॅणिओ अज्जप्पभिइं सामी अम्हं तुमं चेव ॥८१॥ सम्माणिया य सव्वे अभयपयाणेण पत्थिवा तेण । तस्स वि ससुरेण तओ सव्वे वि विसज्जिया सिग्घं ॥८२॥ भणिओ सुरेण सिग्घं हलिओ दालिद्द तुज्झ निद्दलियं । अन्नं वि य जं मग्गसि तं तुह सव्वं पणामेमि ॥८३॥ जइ एवं ता पुव्वि कुंद्धेण उवासिया तए नयरी । सा वसउ मज्झ नैयरी सविसेसा तुह पसाएण ॥८४॥ पडिवज्जिऊण ऐयें सुवन्नमणिरयणघडियपायारा । सुरनयरीसारिच्छा विणिम्मिया तेण सा नयरी ॥८५॥
१. पणामेमि । २. भणिओ । ३. तुब्भ । ४ सयलो । ५. सव्वो विय । ६. विचिट्ठियं । ७ अ विवाहो । ८. भणिओ य । ९. अन्नं चिय १०. कुवि । ११. इन्हि । १२. एवं । १३. कंचणमणिभवणतुंगपागारा । १४. सुरनयरीइ सरिच्छा ।
Jain Education International 2010_02
८१
For Private & Personal Use Only
www.jainelibrary.org
