________________
नैवेद्यपूजायां कथानकम् ॥
किं कुग्गहगहगहिया मूढा वा हुज्ज बालिया एसा । जा पत्थिवे पमुत्तुं हीणं पि हु हालियं वरइ ॥५६।। ते सूरसेणपमुहा सव्वे वि य पत्थिवा य जंपंति । जइ हालिओ वि इट्ठो ता मैलह पत्थिवे कीस ॥५७।। तम्हा हलिणा सहियं एवं हणिऊण कन्नगं लेह । किज्जउ संयंवरपणे मणइटुं कन्नगं वरओ ॥५८।। पभणेइ चंडसीहो वरिओ एयाइ मूढबुद्धीए । न हु पिउणो वयणेणं तम्हा पैसेहुमो दूयं ॥५९।। तस्स वयणेण दुओ पट्टविओ सूरसेणनरवइणा । गंतूण पडिनियत्तो पडिवयणं साहए तोण ॥६०॥ तुम्हवयणेणं गंतुं भणिओ सो सूरसेणनरनाहो । जेई तुह धूयाइ इमो वरिओ अन्नाणमूढाए ॥६१।। पुणरवि ता कुणसु तुमं धूयाइ सयंवरं नरिंदेसु । संमाणेह पुणो ते मा कुणसु अपत्तियं तेसिं ॥६२।। इय भणिओ सो पभणइ थेवो वि हु इत्थ नत्थि मह दोसो । दिन्ने सयंवरे कन्नगाइ वैरिय व्वि य पमाणं ॥६३।। सोऊण द्यवयणं सव्वे जंपंति पत्थिवा रुवा । गिन्हह लहुं कुमारि हणिऊण इमं हलियपुरिसं ॥६४॥ अन्नो वि हु जो पक्खं वहेइ एयस्स सो वि हंतव्वो । इय भणिऊणं हलिओ भणिओ रे मुंच सुकुमारिं ॥६५॥
१. होज्ज । २. सुरसेणस्स कुविया । ३. पयंपंति । ४. हलिओ वि हु । ५. मेलइ । ६. लेमो । ७. सयंवरो पुण । ८. कन्नगा । ९. पेसिज्जओ । १०. दूओ । ११. तेण । १२. जह । १३. धूयाए । १४. ए । १५. भणिए । १६. वरिओ वि य । १७. दूइ ।
Jain Education International 2010_02
For Private & Personal Use Only
www.jainelibrary.org
