________________
७८
विजयचंदचरियं इत्तो खेमपुरीए धुआ सिरिसूरसेणनरवइणो । विन्हुसिरी नामेणं विण्हुसिरी चेव पच्चक्खा ॥४६।। तीए गुणाणुरूवं वरमलहंतो नरेसरो भव्वं । सेव्वे वि भूमिपाले मेलित्तु सयंवरं कुणइ ॥४७|| विरयए परममंचे तीए नयरीइ बाहिरुज्जाणे । कंचणमणिसोवाणे देवविमाणु व्व रमणीए ॥४८॥ कयसिंगारा सव्वे आरूढा तैसु परममंचेसु । रेहंति भूमिपाला असुर व्व ठिया विमाणेसु ॥४९।। सियचामरायवत्ता सियवत्थविलेवणाहरणसोहा । निवकुलसरोरुहे इव सा कन्ना रायहंसी व ॥५०॥ नरवइधूया पुरओ वज्जिरपडुपडहसंखसद्दालो । उच्छलइ तूरसद्दो दूओ इव सुरवराहवणे ॥५१॥ सोऊण तूरसदं कोऊहलमाणसो समणुपत्तो । हलिओ हलमारूढो जोएइ सयंवरं तुट्ठो ॥५२॥ पंडिहारीइ कमेणं कहिए सव्वे वि पत्थिवे मुत्तुं । कयसुरसंनिज्झाए धन्नाए हालिओ वरिओ ॥५३॥ जणणी जणओ तह बंधवा य केन्नाइ हालिए वरिए । वज्जेण ताडिया इव लज्जाइ अहोमुहा जाया ।।५४|| जंपंति इक्कमिक्कं सविलक्खा पत्थिवा सकोवा य । मुत्तुण पत्थिववरे कन्नाए हालिओ वरिओ ।।५५।।
१. सव्वे । २. दूएहिं । ३. मेले वि । ४. विरए वि । ५. ते वि । ६. पवरमंचेसु । ७. निवकमलसरे रेहइ । ८. पडिहारी य । ९. संकेयाए । १०. कन्नाइ । ११. लज्जाए ।
Jain Education International 2010_02
For Private & Personal Use Only
www.jainelibrary.org
