________________
७
.
विजयचंदचरियं एवं सा पइदियहं पुणो पुणो पढइ बोहणट्ठाए । सा वि मणेण य चिंतइ को एसो पइदिणं पढइ ॥४८॥ जइ ऐही को वि मुणी अइसयवरनाणरिद्धिसंजुत्तो । ता पुच्छिस्सं एयं इय कणया जा विचिंतेइ ॥४९॥ ता बहुसमणसमेओ समागओ गणहरु त्ति आयरिओ । अइसयनाणसमेओ समोसढो नयरउज्जाणे ॥५०|| नाऊण कणगमाला उज्जाणे संठियं मुणिवरिंदं । भत्तीइ वंदणत्थं संचलिया सह नरिंदेण ॥५१॥ दट्ठण मुणिवरिंदं वंदइ तिपयाहिणं करेऊणं । धम्मं च सुणेऊणं पुच्छइ नियसंसयं कणया ||५२।। भयवं को पइदियहं महपुरओ पढइ अद्धरत्तंमि । केण निमित्तेणं चिय साहसु अइकोउयं मज्झ ॥५३।। पुदिव दोसहियाओ जिणमइ-धणसिरिपसिद्धनामाओ । जिणदीवयदाणेणं दो वि गया देवलोगंमि ॥५४॥ तत्तो चविऊण तुमं जाया इत्थेव राइणो भज्जा । सा वि य जिणमइदेवी पइदियहं कुणइ पेंडिबोहं ॥५५।। सा सग्गाओ चविउं इत्थ य जम्मंमि तुह सही होही । तत्तो मरिउं तुम्हे सव्वढे दो वि देव त्ति ॥५६।। सव्वट्ठाउ चविउं वयजुत्तं पाविऊण मणुयत्तं । कॅम्मक्खएण तुम्हे दुन्नि वि सिद्धिं पि पावेह ॥५७॥
१. मणेणं । २. होही । ३. सिद्धि । ४. कणयमाला जाव चिंतेइ । ५. पयाहिणी(णि) । ६. तुहबोहिं । ७. इत्थ वि । ८. कम्मक्खए वि । ९. पाविज्जा ।
____Jain Education International 2010_02
For Private & Personal Use Only
www.jainelibrary.org
